Háskólinn á Akureyri

Vekjum athygli á heildarlista yfir efnistekin tímarit í WoS. Einnig er hægt að skoða lista yfir tímarit í félagsvísindum, tímarit í hugvísindum og tímarit í raunvísindum. Á þjónustuvef Web of Science er einnig að finna upplýsingar um hvernig Cited Reference Search leitin er notuð, sem gerir manni kleift að sjá hvort og hve oft hefur verið vísað í tilteknar greinar eða skrif tiltekinna höfunda. Hér er tengill í tæplega 7 mín. langt myndband um Cited Reference Searching í Web of Science. 

Vekjum athygli á því að bókasafnið hefur opnað Facebook síðu. Við hvetjum starfsfólk og nemendur að gerast vinir.

1. desember opnar á Bókasafni HA sýningin Íslenskt landsslag og blóm. Listaverkin eru í eigu Háskólans á Akureyri eftir listamannahjónin Karen Agnete Þórarinsson og Svein Þórarinsson. Sýningarstjóri er Guðmundur Ármann Sigurjónsson.

Vakin er athygli á Vistey http://www.vistey.is/ nýrri upplýsingagátt með upplýsingum um vistkerfi hafsins í Eyjafirði. Vefgáttin er samvinnuverkefni Sjávarútvegsmiðstöðvarinnar við Háskólann á Akureyri, Arctic Portal og Erlendar Bogasonar kafara. Vistey er ætluð fyrir hvern sem er, almenning, vísindamenn og ferðamenn sem vilja fræðast um undraheima hafsins í Eyjafirði. Síðan er bæði aðgengileg á íslensku og ensku. Þá geta skólar tileinkað sér síðuna fyrir nemendur til að fræðast um Eyjafjörð og lífríki hans.