Upplýsing, félag bókasafns- og upplýsingafræða, í samstarfi við bókasöfn á Íslandi heldur Bókasafnsdag, fimmtudaginn 14. apríl.
Í tilefni dagsins mun Bókasafn HA dreifa bókamerkjum dagsins og kynna lista yfir 100 bestu íslensku bækurnar að mati þeirra sem á bókasöfnunum starfa. Auk þess viljum við benda á prufuaðgang að rafrænum bókum frá NetLibrary í gegnum EBSCOhost gagnasafnið á vefslóðinni http://bit.ly/eBOOKs-academic. Prufuaðgangurinn stendur til 1. júlí nk.
Verið velkomin á bókasafnið, bókamerkin og listinn yfir 100 bestu bækurnar liggja frammi á þjónustuborði bóksafns og gagnasmiðju. Einnig er hægt að nálgast listann hér.
