Tekið hefur verið í notkun nýtt sameiginlegt leitarviðmót gagnasafna ProQuest Central og Cambridge Scientific Abstracts (CSA). Þegar upphafskjámynd ProQuest er valin (http://search.proquest.com/) þá er nú leitað samtímis í öllum gagnasöfnum ProQeust og CSA sem eru um 20 talsins. Yfirlit yfir gagnasöfnin eru í stiku efst á skjánum, bæði í stafrófsröð og eftir efnisflokkum. Athugið að Philosopher‘s Index sem er í séráskrift HA er einnig aðgengilegt hjá ProQuest.
Nýja leitarviðmótið býður upp á ýmsa möguleika til að leita á markvissan hátt, s.s. að takmarka leit við tiltekin efnissvið, ritrýnt efni, útgáfuform, tímabil, tungumál o.fl. Upplýsingar um nýtt viðmót er hægt að nálgast á forsíðu ProQuest eða á hjálparsíðu.
