Gegnir er samskrá íslenskra bókasafna. Kerfið byggir á einni sameiginlegri skrá sem notendur geta leitað í á internetinu. Háskólinn á Akureyri er aðili að samskránni ásamt fjölda annarra bókasafna á landinu. Í Gegni er allur safnkostur bókasafnsins skráður (bækur, tímarit, tímaritsgreinar, myndbönd, geisladiskar, forrit o.fl.). Notendur geta einnig tekið frá bækur, endurnýjað útlán sín og sent beiðnir um millisafnalán.
Einnig er hægt að leita í stafrænum bókasöfnum víðsvegar um heiminn og sjá lista yfir helstu háskóla- og þjóðbókasöfn. Bókasöfnin og samskrárnar eru flokkaðar eftir löndum, innlend, norræn og önnur lönd.
