Nemendur sem ljúka B.A próf í félagsvísindagreinum eru eftirsóttir á þeim fjölmörgu stöðum þar sem óskað er eftir fólki með háskólamenntun sem hefur tamið sem öguð vinnubrögð og gagnrýna hugsun.
Nemendur er ljúka B.A. gráðu í fjölmiðlafræði geta til að mynda unnið við dagblöð, tímarit, útvarp, sjónvarp og vefsíðugerð og aðra netmiðla eða sem upplýsingafulltrúar fyrirtækja og stofnana.
Útskriftarnemendur úr sálfræði hafa val um að halda áfram í mastersnámi hérlendis eða erlendis til að geta starfað sem sálfræðingar t.d. á eigin stofum eða ýmsum stofnunum á vegum ríkis og sveitarfélaga. B.A. próf í sálfræði er góður grunnur undir ýmis störf t.d. er tengjast auglýsingagerð, framkvæmd skoðanakannana o. fl.
Þeir nemendur sem útskrifast með B.A gráðu í samfélags- og hagþróunarfræði geta unnið við stofnanir eða félagasamtök sem vinna að þróunarmálum. Þetta á bæði við um stofnanir og samtök hér á landi og alþjóðleg samtök sem hafa starfsemi víða um heim. Nemendur verða vel í stakk búnir til að stunda rannsóknir, t.d. á norðurslóðum, þriðja heiminum eða byggðarannsóknir. Málefni landsbyggðarinnar verða líka spennandi starfsvettvangur fyrir þá sem hafa lokið samfélags- og hagþróun t.d. byggðaþróun og sveitastjórnarmál.
Nemendur sem ljúka B.A. prófi í nútímafræði eru vel undir það búnir að takast á við margvísleg störf sem krefjast háskólamenntunar, agaðra vinnubragða og gagnrýninnar hugsunar. Nám í nútímafræði getur einnig verið undirbúningur undir frekara nám í hugvísindum.
B.A.-nám í þjóðfélagsfræði veitir sambærilegan undirbúning til starfa á almennum vinnumarkaði og annað B.A.-nám í félagsvísindum. B.A.-nám í þjóðfélagsfræði er jafnframt góður grunnur fyrir framhaldsnám í félagsvísindum á innlendum eða erlendum vettvangi, til dæmis í félagsfræði, mannfræði, stjórnmálafræði eða fjölfaglegu framhaldsnámi á borð við afbrotafræði, ferðamálafræði, fjölmiðlafræði, heilbrigðisfræði, kynjafræði, stjórnunarfræði, tómstundafræði og vinnumarkaðsfræði.
