Háskólinn
á Akureyri fagnar 25 ára afmæli sínu á árinu 2012 með margvíslegum hætti. Dagskrá afmælisársins verður kynnt
þann 13. janúar kl. 12:30 í hátíðarsal háskólans á Sólborg. Þá verður afhjúpað nýtt merki
afmælisársins, greint verður frá helstu viðburðum sem fram undan eru, sagt verður frá veglegu afmælisriti sem út kemur á árinu og
ljósmyndasamkeppni verður ýtt úr vör. Allir eru velkomnir á kynninguna og eru starfsmenn og nemendur háskólans hvattir til að mæta.
Á myndinni má sjá starfsfólk Háskólans á Akureyri árið 1989 við fyrrum húsnæði háskólans í
Þingvallastræti. Smellið á myndina til að stækka.
Frá vinstri: Margrét Tómasdóttir, Kristín Pétursdóttir, Sigrún Magnúsdóttir, Jón Þórðarson,
Stefán G. Jónsson, Haraldur Bessason, Ólafur Búi Gunnlaugsson.
