Háskólinn á Akureyri

Alþjóðlegur baráttudagur kvenna er í dag, þann 8. mars. Starfsfólk og nemendur Háskólans á Akureyri eru hvattir til að taka þátt í þeirri dagskrá sem í boði er á Akureyri í tilefni dagsins. Jafnréttisstofa á Borgum verður með opið hús kl. 11:30 – 13:30, sjá nánar hér, þá stendur SFR fyrir málþingi í Rósenborg kl. 13:00 sem ber heitið Jöfn staða kynjanna er forsenda farsældar, nánar hér. Enn fremur verður upplestur í Eymundsson á Akureyri kl. 16:15 – 17:00 þar sem lesið verður upp úr lögum um jafna stöðu og jafnan rétt kvenna og karla. Meðal upplesara er rektor Háskólans á Akureyri.