Föstudaginn 13. janúar var haldin kynning á
dagskrá afmælisárs Háskólans á Akureyri. Stefán B. Sigurðsson rektor háskólans hóf kynninguna á stuttu
ávarpi en að því loknu tók Þorsteinn Gunnarsson, fyrrverandi rektor og formaður afmælisnefndar HA við og kynnti helstu atriði
afmælisársins sem framundan er.
Dagmar Ýr Stefánsdóttir, forstöðumaður markaðs- og kynningarsviðs og framkvæmdastjóri afmælisnefndarinnar, ýtti úr vör
ljósmyndasamkeppni sem mun standa til 15. júní nk. og ber yfirskriftina Líf og störf fólks í Háskólanum á Akureyri.
Hún opnaði einnig nýjan afmælisvef en þar verða að finna allar upplýsingar um dagskrárliði og viðburði afmælisársins auk
ljósmynda í fórum háskólans.
Að síðustu sagði Bragi Guðmundsson prófessor við kennaradeild frá vinnu við undirbúning sögulegs afmælisrits sem gefið verður
út í tilefni aldarfjórðungsafmælisins en hann er ritstjóri verksins.
Nánari upplýsingar um dagskrá afmælisársins er að finna á afmælisvef háskólans.
