Stúdentaráð Háskóla Íslands, í samvinnu við SÍF og námsmannahreyfingar
Háskólans í Reykjavík, Háskólans við Bifröst, Landbúnaðarháskólanum og Háskólanum á Akureyri, hafa
efnt til mótmæla fyrir framan Mennta- og menningarmálaráðuneyti í dag kl. 12 að hádegi.
Ástæðan eru nýlegar breytingartillögur á úthlutunarreglum Lánasjóðs Íslenskra Námsmanna sem voru samþykktar af meirihluta stjórnar sjóðsins, en fulltrúar námsmanna í stjórninni neituðu að samþykkja tillögurnar að sögn Jens Fjalars Skaptasonar, formanns stúdentaráðs. Nú liggja tillögurnar á borði til samþykktar, en ljóst er að þær munu hafa í för með sér umtalsverða kjaraskerðingu fyrir stúdenta.
Með mótmælunum vonast stúdentar til að Katrín Jakobsdóttir menntamálaráðherra endurskoði breytingartillögurnar.
