Dagana 24. - 27.
ágúst 2010 eru nýnemadagar í Háskólanum á Akureyri. Dagarnir eru tileinkaðir nýnemum, bæði fjar- og
staðarnemendum og fela í sér ýmis konar hagnýta fræðslu. En helstu markmið nýnemadaga eru:
- Að bjóða nýnema velkomna til starfa í HA, gefa þeim tækifæri á að kynnast hver öðrum og efla liðsandann.
- Að gefa nýnemum tækifæri á að kynnast starfsfólki háskólans og stoðþjónustu í upphafi náms.
- Að kynna tölvuumhverfi, prófareglur, bókasafn, námsráðgjöf, alþjóðasamstarf o.fl. fyrir nýnemum.
-
Að gera grein fyrir almennum væntingum HA til nýnema
Dagskrá nýnemadaga kemur fram í stundaskrá hvers og eins en dagarnir hefjast þriðjudaginn 24. ágúst. Nýnemar mæta til nýnemadaga á mismunandi tímum eftir því á hvaða sviði þeir eru. Nýnemar á:
· Hug- og félagsvísindasviði mæta þriðjudaginn 24. ágúst kl. 9.05 í stofu N101
· Heilbrigðisvísindasviði mæta miðvikudaginn 25. ágúst kl. 9.05 í stofu N101
· Viðskipta- og raunvísindasviði mæta fimmtudaginn 26. ágúst kl. 9.05 í stofu N101
Nýnemar eru hvattir til ef þeir hafa kost á að mæta með fartölvur.
Til að sjá nánari stundarskrá þarf að skrá sig inn á Stefaníu. Nemendur komast inn á eigin síður í Stefaníu með því að velja hnappinn Innskráning hér á heimasíðu háskólans og skrá þar inn kennitölu sína og skólanúmer.
Mikilvægar upplýsingar fyrir nýnema, smellið hér.
Upplýsingar um innskráningu fengu allir nýir nemendur sendar heim til sín fyrr í sumar. Ef upplýsingarnar finnast ekki má hafa samband við skrifstofu háskólans í síma 460-8000.
Háskólinn á Akureyri býður nýnema hjartanlega velkomna.
