Símenntun HA kynnir námskeiðið Börn með hreyfihömlun - þátttaka í leikskólastarfi sem
fer fram fimmtudaginn 25. febrúar kl. 9:15- 15:15. Námskeiðið er í samstarfi við Greininga- og ráðgjafastöð ríkisins.
Námskeiðið er ætlað þeim sem starfa með börnum með hreyfihömlun í leikskólum, þeim sem starfa við snemmtæka
íhlutun í leikskólum, aðstandendum barnanna og öðrum sem hafa áhuga.
Markmið
Efla þekkingu á þörfum barna með hreyfihömlun og auka færni í framkvæmd íhlutunar í
leikskóla. Auka þannig gæði þeirrar þjónustu sem börnum með hreyfihamlanir og fjölskyldum þeirra er veitt. Skapa vettvang fyrir
fólk sem vinnur að sambærilegum verkefnum og getur miðlað reynslu og upplýsingum sín á milli.
Efni og vinnulag
Á námskeiðinu verður megináhersla lögð á hagnýt vinnubrögð ásamt
fræðilegum upplýsingum. Fjallað verður um snemmtæka íhlutun fyrir börn með hreyfihömlun og hvernig við getum aðlagað
þjálfun hreyfihamlaða barnsins að daglegu starfi í leikskóla og daglegt líf að þjálfun barnsins.
Lögð verður áhersla á virkni og tengsl við önnur börn og hvað við getum gert til að efla þátttöku, sjálfstæði og frumkvæði og komið í veg fyrir áunnið hjálparleysi.
Kennarar
Sigrún Grendal Magnúsdóttir, talmeinafræðingur
Björk Steingrímsdóttir, iðjuþjálfi
Þóranna Halldórsdóttir, þroskaþjálfi
Tími: Fim.25. feb. kl. 9:15-15:15
Staður: fjarkennsla frá Greiningastöð til stofur K-109 Sólborgar HA
Verð: 14.400 kr./foreldrar 3.600 kr.
