Nú stendur yfir skráning á ráðstefnuna Undur alheimsins sem haldin verður í
Menntaskólanum á Akureyri laugardaginn 20. mars næst komandi. Það eru Háskólinn á Akureyri, Menntaskólinn á Akureyri,
Stjörnuskoðunarfélag Seltjarnarness, Stjarnvísindafélag Íslands og Vísindafélag Norðlendinga sem standa saman að ráðstefnunni.
Ekkert þáttökugjald er á ráðstefnuna en skráning fer fram á ráðstefnusíðu HA, sjá hér.
Á dagskrá verða fræðsluerindi, umræður, sýningar á m.a. stjörnum, geimþokum og vetrarbrautum og boðið verður upp á stjörnuskoðun í nýjum sjónauka MA sem verður vígður við þetta tilefni. Á milli dagskrárliða verða til sýnis bækur, myndir og tæki. Dagskrána má nálgast hér. Aðgangur er ókeypis, öllum opinn og eru þátttakendur hvattir til að mæta með sjónauka til að nota í stjörnuteiti um kvöldið.
Áhugasömum er einnig bent á að sunnudaginn 21. mars er húsið opið almenningi frá 13:00-16:00.
