Námið er sett upp í samvinnu við Opna Háskólann í HR og Samtök ferðaþjónustunnar.
Þetta er í þriðja sinn sem námið verður kennt hjá Opna Háskólanum í HR en nú verður boðið upp á
námið í fyrsta sinn hjá Símenntun HA.
Markmið námsins er að efla almenna stjórnunar- og leiðtogahæfni þátttakenda. Veita stjórnendum betri skilning á eigin
stjórnunarstíl. Kynna hagnýtar og sannreyndar aðferðir og vinnubrögð sem ýta undir stjórnunarlegan árangur. Skapa sameiginlegan vettvang til
tengslamyndunar milli stjórnenda í ferðaþjónustu.
Námið hefst í október og stendur til febrúar. Engin kennsla verður í desember.
Kennt er einu sinni í mánuði, einn, eða einn og hálfan, dag í senn.
Nánari upplýsingar um dagsetningar á kennslu verða auglýstar innan skamms.
Allir leiðbeinendur í náminu eru viðurkenndir sérfræðingar á viðkomandi sviði með víðtæka reynslu af
stjórnendafræðslu og ráðgjöf.
Nánari upplýsingar um námið má finna hér, á vef
Símenntunar HA.
