Háskólinn á Akureyri

Ýmsir viðburðir á vegum sviða Háskólans á Akureyri munu að venju vera í boði á vorönn 2012. Undanfarin misseri hafa verið haldnar málstofur, fyrirlestrar, sýningar og aðrir viðburðir í hverjum mánuði og fjöldi þeirra aukist jafnt og þétt ár frá ári. Þannig voru um 145 viðburðir í boði fyrir háskólasamfélagið og almenning á árinu 2010 og hátt í 160 viðburðir á árinu sem er að líða.

Háskólinn á Akureyri fagnar á árinu 25 ára afmæli sínu og af því tilefni verður viðamikil og metnaðarfull dagskrá í boði alla mánuði ársins sem starfsfólk og nemendur háskólans standa að. Haldnir verða fyrirlestrar, kynningar og ýmsir viðburðir sem í senn eru fróðlegir og skemmtilegir og vonast er til að sem flestir geti nýtt sér það sem boðið verður upp á. Nánari dagskrá verður auglýst í janúar á vef háskólans.

Háskólinn á Akureyri býður alla hjartanlega velkomna á viðburði ársins 2012.