Háskólinn á Akureyri

Markmið námsins er að efla nemendur til þess að takast á við störf í menntakerfinu sem krefjast framhaldsmenntunar á sviði menntunarfræði ásamt því að auka hæfni þeirra til þess að stunda frekara nám.

Við upphaf náms skráir nemandi sig á tilgreint áherslusvið eða í almennt nám. Hann getur hvenær sem er á námstímanum breytt þeirri skráningu. Hámarksnámstími til Dipl.Ed. er tvö ár. Nemandi getur brautskráðst með 60 einingar eða haldið áfram til 120 eininga meistaraprófs og lokið annað hvort meistaranámi í menntunarfræði til M.Ed.-gráðu eða rannsóknartengdu meistaranámi til M.A.-gráðu.

Í náminu eru tvö leiðarstef: Gagnrýnin hugsun og ígrundað starf.

Námskipan
Í náminu geta nemendur valið milli tiltekinna áherslusviða (sjá töflu 1) en einnig er hægt að stunda almennt nám án slíkrar sérhæfingar.
Í diplómunámi eru áherslusvið sett saman úr skyldunámskeiðum og valnámskeiðum. Diplómuverkefni er valkvætt en velji nemandi að skrifa diplómuverkefni skal viðfangsefnið vera á því áherslusviði sem hann er skráður á. Hægt er að stunda fullt nám en nemandi ræður námshraða sínum. Lesnámskeiðum og diplómaritgerð er unnt að ljúka á hvoru misseri sem er eftir að forkröfur hafa verið uppfylltar. Kennsla fer fram í staðbundnum lotum fjórum sinnum á misseri að öllu jöfnu en að öðru leyti fer námið fram með breytilegu fjarnámssniði. Gerð er krafa um ákveðna tímasókn í námskeið.

Nemendur geta sótt um að taka hluta námsins við aðra háskóla, sbr. reglur um skiptinám.

Matsnefnd metur óskir um mat á fyrra námi. Nemendur sem óska eftir mati á námi þurfa að kynna sér matsreglur. Erindi skulu send skrifstofu hug- og félagsvísindasviðs.

Áherslusvið og námskeið í 60 eininga diplómunámi

Námskeið á áherslusviðinu námskrár- og kennslufræði eru samkennd með kennsluréttindanámi. Þau eru aðeins opin þeim nemendum í diplómu- og meistaranámi sem skráðir eru á það áherslusvið.

Valnámskeið í diplómunámi

Tafla 2.

Hægt er að skrá sig í lesnámskeið og lokaritgerð bæði á haust- og vormisseri.