Háskólinn á Akureyri

Markmið og innritunarskilyrði
Námið er ætlað þeim sem hafa lokið bakkalárprófi eða sambærilegu námi og hyggjast afla sér kennsluréttinda. Markmið námsins er að mennta fólk til starfa í menntakerfinu ásamt því að auka hæfni þess til að stunda frekara nám. Hámarksnámstími er fjögur ár. Innritunarskilyrði er bakkalárpróf með 2. einkunn eða sambærilegt. Um aðgang að doktorsnámi er vakin athygli á inntökuskilyrðum viðtökuskóla.

Í náminu eru tvö leiðarstef: Gagnrýnin hugsun og ígrundað starf.

Námsskipan
Við upphaf náms skráir nemandi sig í námskeið á tilgreindu stigi (yngsta stig - leikskóli og yngstu bekkir grunnskóla, miðstig - grunnskóli, elsta stig - grunnskóli og byrjunaráfangar framhaldsskóla). Kennsla fer fram með breytilegu sniði, sem staðarnám eða fjarnám með stuðningi myndfundabúnaðar (samkennt með staðarnámi), rafræns kennslukerfis, tölvusamskiptum og í staðbundnum námslotum á Akureyri en nemandi ræður námshraða sínum. Vettvangsnám og æfingakennsla fer fram á vettvangi, í skólum.

Nemendur geta sótt um að taka hluta námsins við aðra háskóla, sem gestnám við innlenda háskóla sbr. samning opinberra háskóla á Íslandi um gagnkvæman aðgang nemenda að námskeiðum eða sem skiptinám við erlenda háskóla sbr. reglur um skiptinám. Nemendur þurfa að kynna sér reglurnar á vef kennaradeildar og sækja um gesta- og skiptinám til matsnefndar kennaradeildar.

Matsnefnd metur óskir um mat á fyrra námi. Nemendur sem óska eftir mati á námi þurfa að kynna sér matsreglur (http://www.unak.is/kennaradeild/page/reglur_matsnefndar). Erindi skal senda skrifstofu hug- og félagsvísindasviðs.

Námskeið í 120 eininga meistaranámi til M.Ed.-gráðu

Tafla 1

Námskeið í M.Ed. í menntunarfræði og áætlun um framboð þeirra

Haustmisseri 2012 - 4. ár

Haustmisseri 2013 - 5. ár