Gagnasmiðjan...
- Á Sólborg til hægri handar við inngang bókasafnsins
- Opin alla virka daga kl. 8:00 - 16:00
- Veitir aðstoð við tölvunotendur
- Tekur við tilkynningum um bilanir á tölvu- og tækjabúnaði
- Tekur við ábendingum um það sem betur má fara í þjónustu við nemendur
- Aðgengi að sérhæfðum hugbúnaði, myndvinnsla o.fl.
- Mögulegt að fá lánuð ýmis tæki, m.a. diktafóna og myndavélar
- Aðstaða til að prenta í lit, gorma verkefni, skanna myndir, brenna á geisladiska o.fl.
- Hægt að kaupa prentkvóta og ýmsar smávörur
Notendafræðsla
Eitt af hlutverkum gagnasmiðju er að stuðla að aukinni notkun tölvu- og upplýsingatækni í háskólanum og þar með að veita nemendum
og starfsfólki ráðgjöf um sem flest á því sviði. Í því skyni er hægt að nálgast hér hagnýtar
leiðbeiningar til að auðvelda nemendum og starfsfólki að vinna í tölvukerfi háskólans. Hér er einnig að finna upplýsingar um helstu
breytingar og nýjungar á tölvukerfinu, sem og leiðbeiningar um ýmsan búnað á vegum gagnasmiðju.
Kennsla og ráðgjöf
Starfsmenn gagnasmiðju annast kennslu og þjálfun í notkun tækja, búnaðar og forrita háskólans. Þeir hafa einnig með höndum
notendaþjónustu vegna tölvukerfis en hún er m.a. fólgin í aðstoð og ráðgjöf varðandi hugbúnað háskólans og
notkun á honum. Gagnasmiðjan leiðir þróun í fjarkennslu skólans, er ábyrg fyrir fjarfundabúnaði hans og annast kynningar- og
fræðslustarf við fjarnema og símenntunarmiðstöðvar.
Sérhæft tölvuver
Gagnasmiðjan er sérhæft tölvuver þar sem nemendur og starfsmenn hafa aðgang að öflugum tölvum, sérhæfðum tækjum og forritum.
Hún annast innkaup, vörslu og útlán á hugbúnaði og tækjum í eigu háskólans. Starfsmenn gagnasmiðjunnar eru til staðar
til liðveislu og ráðgjafar á opnunartíma. Hægt er að panta tíma til vinnu í gagnasmiðjunni vegna sérstakra verkefna. Þar er
aðstaða til litprentunar, mynd-skönnunar og gormunar á verkefnum.
