Útskriftar- og endurfundaveisla 13. júní 2009
Að kvöldi brautskráningardags 13. júní var slegið upp mikilli veislu fyrir nemendur sem áttu 1, 5, 10, 15 eða 20 ára brautskriftarafmæli og einnig fyrir þá kandídata sem brautskráðust fyrr um daginn. Veislan var haldin í matsal Sólborgar og heppnaðist með eindæmum vel. Gísli Einarsson, fréttamaður sá um veislustjórn og fórst það afar vel úr hendi enda mátti heyra hlátrarsköllin langar leiðir. Lostdæti sá um matinn og var meðal annars grillað á staðnum. Þeir Eyþór Ingi og Andri Ívarsson tóku svo við í lokinn og spiluðu og sungu fjörug lög. Rúta kom um miðnætti og ferjaði mannskapinn í bæinn. Hér að neðan gefur að líta myndir frá herlegheitunum.
