Háskólinn á Akureyri

Akstur Íslendinga kann að vera mismunandi eftir búsetu. Þeir sem eiga heima í bæjum aka væntanlega minna innanbæjar en þeir sem eiga heima í borgum, eða hvað? Hins vegar getur verið að þeir sem eiga heima í bæjum aki meira í langakstri þar sem þeir sækja þjónustu um lengri veg, m.a. til borga. Spurningin er því hvort akstur einstaklinga sé mismunandi eftir búsetu. Er eitt búsetuform ,,umhverfisvænna" en annað hvað þetta varðar?

Staða verkefnisins: Á algjöru frumstigi.

Hvað þarf að gera: Taka úrtak af öllum bifreiðum landsins og hafa samband við eigendurna. Spyrja þá hvort þeir séu tilbúnir að taka þátt í könnun á akstri. Skrá stöðu kílómetramælis á einhverjum tímapunkti og skoða stöðuna ári síðar. Hversu mikið hefur bifreiðin verið ekin á einu ári. Skoða síðan útkomuna miðaða við marga þætti svo sem fjölskyldustærð, fjölda bíla á heimili, búsetu og fleira.

Fjármagns og mannaflaþörf: Aðallega mannafli. Kostnaður felst aðallega í sérfræðingum sem leiða verkið og einnig gæti verið um einhvern ferðakostnað að ræða.

Fyrir hvaða fólk: Aðstoðarmenn í rannsókninni þurfa að vera um land allt og vera nokkuð margir. Þeir þurfa ekki að vera menntaðir en hins vegar samviskusamir.

Hugsanlegir samstarfsaðilar: Vegagerðin, Samgönguráðuneytið.

Tími: 1-2 ár

Jón Þorvaldur Heiðarsson
HA