Fræðasvið um fötlun og endurhæfingu leiða þær, Snæfríður Þóra Egilson, prófessor, með áherslu á börn, ungmenni og fjölskyldur þeirra, og Guðrún Pálmadóttir, dósent, með áherslu á endurhæfingu og eflingu fullorðinna. Í náminu er fjallað um hugmyndafræði og stefnumótun í málefnum fatlaðs fólks og gerður samanburður á ólíkum sjónarmiðum er varða heilsu, heilbrigðisvanda og fötlun. Að auki er veitt greinargóð innsýn í hlutverk endurhæfingar við að efla fólk og auka lífsgæði þess. Markmiðið er að nemendur fái yfirgripsmikla þekkingu sem nýtist þeim til að leggja gagnrýnið mat á endurhæfingu og aðra þjónustu við fatlað og langveikt fólk í íslensku samfélagi. Kjarnanámskeiðin eru Fötlun og samfélag og Endurhæfing, efling og lífsgæði.
| Dr. Snæfríður Þóra Egilson er prófessor við heilbrigðisvísindasvið HA. Hún lauk prófi í iðjuþjálfun frá Osló, meistaraprófi í iðjuþjálfun frá San Jose háskólanum í Kaliforníu og doktorsprófi í uppeldis- og menntunarfræðum frá Félagsvísindadeild Háskóla Íslands. Snæfríður starfaði um árabil sem iðjuþjálfi með fötluðum börnum og fjölskyldum þeirra. Rannsóknir Snæfríðar beinast einkum að þátttöku fatlaðra barna og ungmenna í samfélaginu, í skólanum og á öðrum vettvangi. Önnur rannsóknarverkefni tengjast m.a. fjölskyldum fatlaðra barna og reynslu þeirra af þjónustukerfinu. sne@unak.is |  |
|
|
Guðrún Pálmadóttir er dósent við heilbrigðisvísindasvið HA. Hún lauk prófi í iðjuþjálfun frá Árósarháskóla í Danmörku, meistaraprófi í þroska- og fjölskylduræðum frá Kólóradóháskóla í Bandaríkjunum og hefur stundað viðbótarnám í rannsóknaraðferðum við Félagsvísindadeild Háskóla Íslands. Guðrún hefur langa reynslu af starfi innan endurhæfingar, einkum með fullorðnum einstaklingum er glíma við fjölþættan heilsufarsvanda. Rannsóknir Guðrúnar lúta að reynslu fólks af endurhæfingu, samskiptum fagfólks og skjólstæðinga og þátttöku og líðan fólks með fötlun eða langvinnan heilsubrest. gudrunp@unak.is |
 |
| Skyldunámskeið í diplómanáminu | Skyldunámskeið í meistaranáminu | Valnámskeið á heilbrigðisvísindasviði |
| EEL0105 Endurhæfing, efling og lífsgæði FOS0105 Fötlun og samfélag HHS0105 Heilbrigði og heilbrigðisþjónusta: Staða, stefnur og straumar |
EEL0105 Endurhæfing, efling og lífsgæði FOS0105 Fötlun og samfélag HHS0105 Heilbrigði og heilbrigðisþjónusta: Staða, stefnur og straumar EIR0155 Eigindlegar rannsóknir MER0155 Megindlegar rannsóknir MPR0130 Meistararannsókn |
KRA0105 Krabbamein og líknandi meðferð LSL0105 Langvinnir sjúkdómar og lífsglíman ÞFS0105 Þjónandi forysta, stjórnun og ígrundun ÖHÍ0105 Öldrun og heilbrigði í íslensku samfélagi |
| Nemendur geta einnig sótt valnámskeið við aðra innlenda eða erlenda háskóla í samráði við ráðgjafa á fræðasviðinu. | ||
| Sjá ítarlega náms- og kennsluskrá | ||
|
„Námskeiðið Endurhæfing, efling og lífsgæði var vel skipulagt og samþætting milli námslota einstaklega góð. Kennarar í námskeiðinu komu úr hinum ýmsu fagstéttum og voru með ólíka menntun og starfsreynslu. Þetta hafði í för með sér að mismunandi sjónarhorn komu fram sem skapaði grundvöll fyrir áhugaverðar og lærdómsríkar umræður. Töluverður sveigjanleiki var við val á verkefnatengdum viðfangsefnum og því gafst nemendum gott tækifæri til að tengja efni námskeiðs við eigin áherslur og áhugasvið í námi. “ Sólrún Óladóttir |
 |
