Innan hug- og félagsvísindasviðs er boðið upp á margskonar framhaldsnám. Hér er stutt yfirlit yfir þær leiðir sem eru í boði í hverri deild og hægt að finna nánari upplýsingar um hverja þeirra.

Félagsvísindadeild

• Rannsóknatengt meistaranám til M.A.-prófs í félagsvísindum. Námið tekur tvö ár og er 120 eininga alþjóðlegt rannsóknatengt meistaranám, þar sem 90 einingar eru sjálft meistaraverkefnið, og 30 einingar í námskeiðum. Sjá nánar.

Kennaradeild

• Diplómunám (Dipl.Ed.) - Nemandi getur brautskráðst með 60 einingar eða haldið áfram til 120 eininga meistaraprófs og lokið annað hvort meistaranámi í menntunarfræðum til M.Ed.-gráðu eða rannsóknartengdu meistaranámi til M.A.-gráðu. Sjá nánar.
  
  
• Meistaranám til M.Ed.-gráðu. 120 eininga nám, ætlað þeim sem hafa lokið bakkalárprófi eða sambærilegu námi og hafa starfsréttindi á sviði kennslu, þjálfunar og umönnunar. Markmið námsins er að mennta fólk til starfa í menntakerfinu sem krefjast framhaldsmenntunar á sviði menntunarfræða ásamt því að auka hæfni þess til að stunda frekara nám. Hámarksnámstími er fjögur ár. Sjá nánar.
  
  
• Meistaranám til M.A.-gráðu. 120 eininga rannsóknatengt meistaranám, ætlað þeim sem vilja efla starfshæfni sína og sérþekkingu á sviði menntavísinda og byggja upp sérhæfingu í rannsóknum í menntavísindum. Sjá nánar.
  
  
• Framhaldsnám fyrir þá sem vilja afla sér kennsluréttinda. Nemendur þurfa ýmist að ljúka 60 eða 120 eininga námi. Námslengd veltur m.a. á fyrri menntun og kennslureynslu að uppfylltum tilteknum skilyrðum. Sjá nánar.

Lagadeild

• Nám til M.L.-prófs í lögfræði tveggja ára nám á meistarastigi í lögfræði sem leiðir til prófgráðunnar magister leges (M.L.). Sjá nánar.
  
  
• Nám í heimskautarétti - Lagadeild býður upp á eftirfarandi námsleiðir í heimskautarétti: 120 eininga meistaranám sem lýkur með MA-gráðu; 90 eininga meistaranám sem lýkur með LL.M-gráðu (Legum Magister, meistari í lögum); 60 eininga diplómunám á meistarastigi, 60 eininga diplómunám á bakkalárstigi svo og einstök námskeið í heimskautarétti – en þeim lýkur með sérstöku vottorði. Sjá nánar.