Háskólinn á Akureyri

Námið er ætlað þeim sem hafa lokið bakkalárprófi eða sambærilegu námi og hafa starfsréttindi á sviði kennslu, þjálfunar eða umönnunar. Markmið námsins er að mennta fólk til starfa í menntakerfinu sem krefjast framhaldsmenntunar á sviði menntunarfræði ásamt því að auka hæfni þess til að stunda frekara nám. Hámarksnámstími er fjögur ár. Um aðgang að doktorsnámi er vakin athygli á inntökuskilyrðum viðtökuskóla. Einnig er hægt að velja meistaranám til M.A.-gráðu.

Inntökuskilyrði í diplómu- og M.Ed.-nám eru bakkalárpróf eða sambærileg próf og starfsréttindi á sviði kennslu, þjálfunar og umönnunar. Í M.A. nám er inntökuskilyrði bakklárpróf eða sambærileg próf með að jafnaði fyrstu einkunn. Markmið námsins er að efla nemendur til þess að takast á við störf í menntakerfinu sem krefjast framhaldsmenntunar á sviði menntunarfræði ásamt því að auka hæfni þeirra til þess að stunda frekara nám. Við upphaf náms skráir nemandi sig á tilgreint áherslusvið eða í almennt nám.

Nemandi getur brautskráðst með 60 eininga Dipl.Ed. (um kennsluréttindi að afloknu diplómunámi, sjá reglugerð nr. 241/2009) eða haldið áfram til 120 eininga meistaraprófs og lokið annað hvort meistaranámi í menntunarfræði til M.Ed.-gráðu eða rannsóknartengdu meistaranámi til M.A.-gráðu. Diplómunám er sett saman úr námskeiðum áherslusviðs og valnámskeiðum. Nemandi sem hefur meistaranám skráir sig á tilgreint áherslusvið eða í almennt nám án slíkrar sérhæfingar.

Áherslusvið eru sett saman úr kjarnanámskeiðum (sem eru sameiginleg öllum áherslusviðum), skyldunámskeiðum áherslusviðs, lokaverkefni og valnámskeiðum. Lokaverkefni skal vera á því áherslusviði sem nemandinn er skráður á. Krafa er gerð um ákveðna tímasókn í námskeið. Kennsla fer fram í staðbundnum lotum, að jafnaði fjórum sinnum á misseri, en að öðru leyti með breytilegu fjarnámssniði.

„Háskólinn á Akureyri varð fyrir valinu vegna þess að þar fann ég nám sem ég hafði lengi haft áhuga á til að bæta þekkingu mína, þ.e. lestrarfræði. Mér finnst verulega gott að fara í staðarloturnar til Akureyrar því þá gefst mér tími til að einbeita mér að náminu og komast frá daglegu amstri.“ Elsa Þorfinna Dýrfjörð grunnskólakennari og meistaranemi