Deildarfundur
Deildarfundur er að jafnaði haldinn fjórum sinnum á hverju skólaári og fer með æðsta vald í málefnum deildarinnar. Á deildarfundi eiga sæti allir fastráðnir starfsmenn deildarinnar, fulltrúi stundakennara og tveir fulltrúar nemenda.
Deildarráð
Deildarráð kemur að jafnaði saman tvisvar í mánuði. Það fer meðal annars með æðsta vald deildar á milli deildarfunda og málefni einstakra nemenda. Í deildarráði sitja deildarforseti, staðgengill deildarforseta, brautarstjórar, forstöðumaður skólaþróunarsviðs, fulltrúi kennara og tveir fulltrúar nemenda.
Brautarfundir grunnbrauta
Brautarfundir eru að jafnaði haldnir einu sinni í mánuði. Á þeim er fjallað um dagleg málefni viðkomandi brautar. Á brautarfundum eiga sæti brautarstjóri viðkomandi brautar, fastir kennarar brautarinnar, fulltrúi stundakennara og fulltrúi nemenda.
Náms- og matsnefnd grunnbrauta
Nefndin er skipuð þremur fulltrúum kennara, kjörnum á brautarfundi, og einum fulltrúa nemenda, þeim sama og situr brautarfundi. Hún sér um að undirbúa breytingar á námskipan á brautinni og fjallar um beiðnir um mat á námi, sbr. reglur um náms- og matsnefndir í kennaradeild. Hún heldur fundi eftir þörfum. Erindi til hennar skulu sett fram eftir reglum um náms- og matsnefndir.
Brautarfundir framhaldsbrautar
Brautarfundir eru að jafnaði haldnir einu sinni í mánuði. Á þeim er fjallað um dagleg málefni viðkomandi brautar. Á brautarfundum eiga sæti brautarstjóri viðkomandi brautar, fastir kennarar brautarinnar og tveir fulltrúar nemenda, annars vegar nemenda í kennslufræði til kennsluréttinda og hins vegar nemenda í diplómu- og meistaranámi.
Náms- og matsnefnd framhaldsbrautar
Nefndin er skipuð þremur fulltrúum kennara, kjörnum á brautarfundi, og tveimur fulltrúum nemenda, þeim sömu og sitja brautarfundi. Hún sér um að undirbúa breytingar á námskipan á brautinni og fjallar um beiðnir um mat á námi, sbr. reglur um náms- og matsnefndir í kennaradeild. Hún heldur fundi eftir þörfum. Erindi til hennar skulu sett fram eftir reglum um náms- og matsnefndir.
Erindi til stjórnsýslu deildarinnar
Erindi til stjórnsýslueininga deildarinnar skulu berast a.m.k. viku fyrir fund til skrifstofu deildarinnar eða til viðkomandi stjórnanda (deildarforseta, brautarstjóra, formanns náms- og matsnefndar), dagsett og undirrituð.
