Meistaranám til M.A.-gráðu er ætlað þeim sem vilja efla starfshæfni sína og sérþekkingu á sviði menntavísinda og byggja upp sérhæfingu í rannsóknum í menntavísindum. Inntökuskilyrði er bakkalárpróf eða sambærilegt próf með að jafnaði fyrstu einkunn. Við upphaf náms skráir nemandi sig á tilgreint áherslusvið eða í almennt nám án slíkrar sérhæfingar.
Áherslusvið eru sett saman úr kjarnanámskeiðum (sem eru sameiginleg öllum áherslusviðum), skyldunámskeiðum áherslusviðs, lokaverkefni og valnámskeiðum. Lokaverkefni skal vera á því áherslusviði sem nemandinn er skráður á. Krafa er gerð um ákveðna tímasókn í námskeið. Kennsla fer fram í staðbundnum lotum, að jafnaði fjórum sinnum á misseri, en að öðru leyti með breytilegu fjarnámssniði.
|
„Háskólinn á Akureyri varð fyrir valinu vegna þess að þar fann ég nám sem ég hafði lengi haft áhuga á til að bæta þekkingu mína, þ.e. lestrarfræði. Mér finnst verulega gott að fara í staðarloturnar til Akureyrar því þá gefst mér tími til að einbeita mér að náminu og komast frá daglegu amstri.“ Elsa Þorfinna Dýrfjörð |
 |
| Áherslusvið 30 ein: |
Kjarni 20 eða 30 ein: |
Valnámskeið: |
Lokaverkefni: |
| -Almennt svið -Lestrarfræði -Sérkennslufræði -Stjórnun í skólastofnunum Námskeið á almennu sviði eru valkvæm en bundið val er á öðrum áherslusviðum. |
Eigindlegar og/eða megindlegar rannsóknaraðferðir. Álitamál í skólastarfi eða Kenningar og rannsóknir í menntunarfræði. |
Fjöldi eininga í vali fer eftir stærð loka verkefns. Öll námskeið nema lokaverkefni eru einnig valnámskeið. Fyrir utan námskeið í kjarna og á áherslusviðum eru í boði nokkur valnámskeið að auki. |
60 eða 90 ein. Efni meistaraprófs-ritgerðar skal vera á áherslusviði. Ef meistaraprófs-ritgerð er 90 einingar eru þrjú skyldunámskeið í kjarna. |
| Sjá ítarlega náms- og kennsluskrá | |||
