Háskólinn á Akureyri

Nám til kennsluréttinda - Kennarafræði framhaldsskóli 60 ECTS

Námið er ætlað þeim sem lokið hafa bakkalárprófi (öðru en B.Ed.-prófi), sambærilegu námi, eða meira námi og vilja afla sér réttinda til að stunda kennslu. Markmið þess er að mennta nemendur í kennarafræði og búa þá undir að takast á við störf í skólakerfinu jafnframt því að auka hæfni þeirra til þess að stunda frekara nám.

Námið fer eftir lögum nr. 87/2008 um menntun og ráðningu kennara og skólastjórnenda í leikskóla, grunnskóla og framhaldsskóla (sjá einnig reglugerðir nr. 241/2009 og 872/2009). Nemendur þurfa að taka mið af ofangreindum reglugerðum við val á námsleið. Að námi loknu geta nemendur sótt um leyfisbréf til mennta- og menningarmálaráðuneytis, sbr. ofangreindar reglugerðir.

Í náminu eru tvö leiðarstef: Gagnrýnin hugsun og ígrundað starf.

Námsskipan

Námið er skipulagt sem fullt nám í eitt ár, þar af eru 10 eininga vettvangsnám og æfingakennsla. Vettvangsnám og æfingakennsla krefjast fullrar viðveru. Að öðru leiti fer kennsla fram í staðbundnum lotum fjórum sinnum á misseri að öllu jöfnu en að öðru leyti fer námið fram með breytilegu fjarnámssniði. Gerð er krafa um ákveðna tímasókn í námskeið. Hámarksnámstími er tvö ár. Nemandi ræður námshraða sínum.

Nemendur geta sótt um að taka hluta námsins við aðra háskóla, sbr. reglur um skiptinám.
Matsnefnd kennaradeildar metur óskir um mat á fyrra námi. Nemendur sem óska eftir mati á námi þurfa að kynna sér matsreglur á vef kennaradeildar. Erindi skal senda skrifstofu hugs- og félagsvísindasviðs.

Námsskipulag 2011–2012

Nám til kennsluréttinda - Meistaranám í kennarafræði grunnskóli 120 ECTS

Námið er ætlað þeim sem lokið hafa bakkalárprófi (B.A./B.S.) eða sambærilegu námi, öðru en B.Ed.-prófi, og vilja afla sér réttinda til að stunda kennslu. Markmið þess er að mennta nemendur í kennarafræði og búa þá undir að takast á við störf í skólakerfinu jafnframt því að auka hæfni þeirra til þess að stunda frekara nám.

Námið fer eftir lögum nr. 87/2008 um menntun og ráðningu kennara og skóla-stjórnenda í leikskóla, grunnskóla og framhaldsskóla (sjá einnig reglugerðir nr. 241/2009 og 872/2009). Nemendur geta sótt um leyfisbréf til mennta- og menningar-málaráðuneytis að námi loknu.

Í náminu eru tvö leiðarstef: Gagnrýnin hugsun og ígrundað starf.

Námsskipan

Námið er skipulagt sem fullt nám í tvö ár þar af er eitt misseri vettvangsnám og æfingakennsla. Vettvangsnám og æfingakennsla krefjast fullrar viðveru. Kennsla fer fram í staðbundnum lotum fjórum sinnum á misseri að öllu jöfnu en að öðru leyti fer námið fram með breytilegu fjarnámssniði. Nemandi ræður námshraða sínum.

Nemendur geta sótt um að taka hluta námsins við aðra háskóla, sbr. reglur um skiptinám.

Matsnefnd kennaradeildar metur óskir um mat á fyrra námi. Nemendur sem óska eftir mati á námi þurfa að kynna sér matsreglur á vef kennaradeildar.

Námsskipulag 2011–2012

Nám til kennsluréttinda - Meistaranám í kennara- og menntunarfræði framhaldsskóli 120 ECTS

Námið er ætla þeim sem lokið hafa bakkalárprófi eða sambærilegu námi, öðru en B.Ed.-prófi, og vilja afla sér réttinda til að stunda kennslu í framhaldsskóla. Markmið þess er að mennta nemendur í menntunar- og kennarafræði og búa þá undir að takast á við störf í skólakerfinu jafnframt því að auka hæfni þeirra til þess að stunda frekara nám.

Námið fer eftir lögum nr. 87/2008 um menntun og ráðningu kennara og skólastjórnenda í leikskóla, grunnskóla og framhaldsskóla (sjá einnig reglugerðir nr. 241/2009 og 872/2009). Nemendur þurfa að taka mið af ofangreindum reglugerðum við val á námsleið. Að námi loknu geta nemendur sótt um leyfisbréf til mennta- og menningarmálaráðuneytis, sbr. ofangreindar reglugerðir.

Í náminu eru tvö leiðarstef: Gagnrýnin hugsun og ígrundað starf.

Námsskipan

Námið er skipulagt sem fullt nám í tvö ár. Í kennarafræði taka nemendur 60 einingar, þar af 10 einingar í vettvangsnámi og æfingakennslu. Í menntunarfræði þurfa nemendur að taka tvö námskeið á áherslusviði, 20 einingar og eitt námskeið í aðferðafræði, 10 einingar, auk 30 eininga meistaraprófsritgerðar. Meistaraprófsritgerð skal vera á sama áherslusviði og nemandinn er skráður í. Mælt er með því að nemandi taki kennarafræði á fyrra námsári og menntunarfræði á því síðara.

Vettvangsnám og æfingakennsla krefjast fullrar viðveru. Kennsla fer að öðru leyti fram í staðbundnum lotum fjórum sinnum á misseri að öllu jöfnu en að öðru leyti fer námið fram með breytilegu fjarnámssniði. Gerð er krafa um ákveðna tímasókn í námskeið. Hámarksnámstími er fjögur ár. Nemandi ræður námshraða sínum.

Nemendur geta sótt um að taka hluta námsins við aðra háskóla, sbr. reglur um skiptinám.

Matsnefnd kennaradeildar metur óskir um mat á fyrra námi. Nemendur sem óska eftir mati á námi þurfa að kynna sér matsreglur á vef kennaradeildar. Erindi skal senda skrifstofu hug- og félagsvísindasviðs.

Námsskipulag 2011 - 2012

Kennarafræði - eitt ár

Námsskipulag 2012 - 2013

Menntunarfræði - eitt ár