Akureyri er gamalgróinn skólabær. Hann er eina bæjarfélagið utan höfuðborgarinnar sem býður upp á skóla á öllum stigum, þ.e. leikskóla, grunnskóla, framhaldsskóla og háskóla. Í bænum búa rúmlega 16.500 manns og hefur u.þ.b. þriðjungur íbúanna starfsvettvang sinn í skólum bæjarins yfir vetrartímann.
Ýmislegt er gert til að láta skólafólki líða vel á Akureyri og reynt er að koma til móts við þarfir þess eftir bestu getu. Má þar helst nefna:
- Ókeypis í strætó
- Gjaldfrjáls bílastæði í miðbænum (engir stöðumælar)
- Listasafnið og leikhúsið
- Frábæra aðstöðu til útivistar og íþrótta, m.a. Sundlaug Akureyrar, Hlíðarfjall, Bogann, Skautahöllina, æfingasvæði Þórs og KA, nokkrar flottar líkamsræktarstöðvar og Kjarnaskóg
- Fjölbreytt úrval verslana
- Góða veitingastaði
- Notaleg kaffihús og hressilega skemmtistaði
Nánari upplýsingar um þjónustu á Akureyri er að finna á heimasíðu Akureyrarbæjar, www.akureyri.is.
