Námskeið á meistarastigi sem er 6 ECTS einingar er í samstarfi við heilbrigðis- og félagsvísindadeildir Háskólans á Akureyri. Einstaklingar sem vilja fá það metið til eininga inn í meistaranám skulu skila verkefnum. Námið hentar öllum þeim sem starf við heilbrigðis- og félagsþjónustu og sjálfstætt starfandi aðilum sem vinna með fólki.
Fordómar gagnvart geðrænum veikindum eru því miður enn ríkjandi í samfélaginu sem mikilvægt er að
vinna gegn m.a. með fræðslu.
Námsmarkmið:
- Að skoða geðheilbrigði frá hinum ýmsu sjónarhornum
- Að dýpka og útfæra þekkingu þátttakanda á geðheilbrigði og úrlausnum
- Að kynna hvernig einstaklingar með geðræn vandamál geti öðlast aukin lífsgæði, t.d. með virkri þátttöku í samfélagi
- Að draga fram hin ýmsu sjónarhorn og viðhorf gagnvart úrvinnslu og meðferð geðrænna raskana
- Að kynna nýjungar í rannsóknum og greiningu á geðsjúkdómum
Viðfangsefni námskeiðsins:
- Yfirlit yfir helstu flokka og einkenni geðrænna raskana
- Taugalíffræði geðrænna raskana
- Erfðir eða atlæti – orsakir geðrænna raskana
- Hinar ýmsu meðferðaleiðir
- Geðrænar raskanir og fjölskylda
- Geðræn endurhæfing
- Samfélagsleg áhrif geðrænna raskana
- Sjónarmið notenda
- Geðrækt
Lesefni:
Valdar greinar
Fyrirkomulag:
Nemendur sækja tvær kennslulotur föstudag og laugardag.
Kennsla fer fram í fyrirlestrum, hóp- og einstaklingsverkefnum. Hópverkefni: Sett fyrir efni sem hóparnir eiga að gera stutta rannsóknaráætlun
upp úr sem þeir svo kynna og fá fá endurgjöf á. Einstaklingsverkefni: Ritgerð skrifuð milli lota.
Umsjónarkennari: Ársæll Már Arnarson, dósent við HA auk þess koma að kennslunni ýmsir sérfræðingar á
úr háskólum og atvinnulífi.
Kennslutími: 24. og 25. sept. og 5. og 6. nóv. kl. 13:30-17:00 á fös. og 9:00-16:00 á lau.
Staður: Stofa M-202, Sólborg HA
Verð: 43.500 kr.
