- Í samstarfi við Starfsmennt. Boðið verður upp á námið í fjarkennslu
Námskeiðið er ætlað öllum sem starfa við sölu- og markaðssetningu á vöru og þjónustu eða hafa brennandi áhuga á
markaðsmálum fyrirtækja.
Tilgangur og markmið: Að auka skilning þátttakenda á hlutverki faglegs markaðsstarfs innan fyrirtækja og samfélags. Veitt er yfirsýn yfir
fjölbreytileika markaðsstarfsins og mikilvægi stjórnunar þess. Inntak markaðsfræðinnar er kynnt, helstu grundvallarhugtök og kenningar sem
fyrirtæki og samfélög nýta sér. Áhersla er á hagnýta nálgun, svo þátttakendur geti fært sér í nyt
það sem farið er í, á sínum vinnustað. Unnin eru hópverkefni þar sem unnið er að hagnýtum lausnum í markaðsstarfi
íslenskra fyrirtækja. Markaðsaðstæður á Íslandi eru kynntar.
Meðal efnis sem farið er í: Þjónustumarkaðsfræði, markaðssetningu á netinu, kynningarmál, samfélagslega ábyrga
markaðssetningu.
Námsmat: Mæting í tíma (75%) sem gildir 10% og verkefni sem gilda 90%.
Námsefni: Kotler, Keller, Brady, Goodman og Hansen (2009). Marketing Management, Prentice Hall. Bókin er lögð til grundvallar kennslunni en ekki er skylda að kaupa
hana. Einnig greinar í tímaritum sem kennarar benda á.
Kennarar: Hafdís Björg Hjálmarsdóttir, lektor (hafdisb@unak.is) og Vera Kr. Vestmann Kristjánsdóttir,
aðjúnkt (verak@unak.is) við Háskólann á Akureyri. Viðtalstími eftir samkomulagi.
Kennslutilhögun: Námskeiðið er 36 kennslustundir. Kennsla fer fram í fyrirlestrum, verkefnavinnu og umræðum. Nemendum gefst tækifæri til að
eiga samskipti sín á milli og við kennara á innri vef háskólans (Moodle).
Vegna óviðráðanlegra orsaka frestast námskeiðið til haustsins 2012.
