Námskeið í samstarfi við Stofnun stjórnsýslufræða og stjórnmála.
Stjórnendur standa, nú sem aldrei fyrr, frammi fyrir kröfum um hagræðingu í rekstri, endurskipulagningu á starfsemi og endurskoðun verkferla.
Samráð við starfsmenn er lykilatriði til að vel takist til og tilsettum árangri sé náð.
Á námskeiðinu verður farið yfir hvernig skilvirk samskipti innan skipulagsheilda eru byggð upp, mismunandi form og aðferðir samráðs og hvenær þau eiga helst við. Markmið með námskeiðinu er að styðja þátttakendur í að innleiða samráðsaðferðir á hagnýtan og árangursríkan hátt í opinberri starfsemi.
Fjallað verður um:
- Mikilvægi samráðs innan opinberra stofnana og sveitarfélaga, til þess að byggja almennt upp skilvirk samskipti innan skipulagsheilda, bæði á
krefjandi tímum og á tímum breytinga.
-Farið verður m.a. annars yfir skilgreiningar samráðs innan stofnana og hagnýt dæmi um hvernig samráð hefur nýst.
-Fjallað verður um tengsl samráðs við viðhorf og frammistöðu starfsfólks ásamt áhrif samráðs á stofnanamenningu. - Skýra tengsl samráðs við ákvarðanatöku innan stofnana.
-Fjallað verður um hvenær samráð á helst við til að styðja við ákvarðanatöku og hvenær væri betra að nota aðrar aðferðir - Kynna mismunandi form samráðs og hvenær þau eiga helst við.
- Farið verður yfir mismunandi aðferðir og hagnýtingu þeirra.
Kennari: Arndís Jónsdóttir, stjórnunarráðgjafi MSc í vinnusálfræði. Hún hefur sérhæft sig í
einstaklingsþjálfun stjórnenda og teyma (executive coaching).
Tími: Þri. 21. sept. kl. 13:00-17:00.
Staður: Stofa M203 - Sólborg HA.
Verð: 11.500 kr.
Arndís Jónsdóttir er sjálfstætt starfandi stjórnunarráðgjafi og hefur sérhæft sig í einstaklingsþjálfun stjórnenda og teyma (e. executive coaching) ásamt því að sjá um ýmsar mælingar og úrbótaverkefni á sviði stjórnunar og starfsumhverfis. Hún hefur unnið að ýmsum samráðsverkefnum bæði meðal starfsfólks og meðal hagsmunaðila, hérlendis og í Bretlandi. Hún lauk BA prófi frá Macalester College í Bandaríkjunum 1997 og MSc í vinnusálfræði frá UMIST í Bretlandi 1999. Hún veitti mannauðsráðgjöf ParX Viðskiptaráðgjöf IBM forstöðu frá 2006-2009 og hefur undanfarin ellefu ár starfað sem stjórnunarráðgjafi, aðallega fyrir bresk fyrirtæki og stofnanir sem og alþjóðleg fyrirtæki. Hún er meðlimur í breska sálfræðingafélaginu og er stofnfélagi i Special Group in Coaching Psychology innan breska sálfræðingafélagsins. Hún sat í stjórn Félags íslenskrar markþjálfunar við stofnun félagsins og situr nú í stjórn TM Software. Arndís hefur kennt stjórnun og vinnusálfræði í háskólum á Íslandi, ásamt því að hafa sinnt kennslu í UMIST og Manchester Busimess School í Bretlandi.
Þetta námskeið hefur fengið toppeinkunn í mati þátttakenda.
