Brautskráning 27. janúar 2012
Símenntun Háskólans á Akureyri útskrifaði 27. janúar 20 nemendur úr Svæðisleiðsögunámi á Norðurlandi og
tveir til viðbótar munu ljúka náminu í vor. Svæðisleiðsögunámið sem var haldið í samstarfi við
Leiðsöguskólann byggði á námskrá fyrir leiðsögunám sem gefin er út af menntamálaráðuneytinu.
Markmið námsins var að búa nemendur undir að fylgja ferðamönnum um Norðurland og að standast kröfur ferðaþjónustunnar um
áreiðanleika og fagleg vinnubrögð. Svæðisleiðsögunámið sem stóð yfir síðastliðin tvö misseri var
fjölbreytt. Fjallað var um og atvinnuvegi, jarðfræði, sögu, menningu, ferðamannastaði og leiðsögutækni svo nokkuð sé nefnt og komu margir
kennarar og sérfræðingar í ferðaþjónustu að því. Kennt var vikulega síðdegis síðastliðið ár eftir
hefðbundinn vinnudag og farnar vettvangsferðir um svæðið með SBA - Norðurleið. Námið var að hluta til í fjarkennslu hjá
Farskólanum á Sauðárkróki og á svæði Þekkingarnets Þingeyinga.
Við útskriftina flutti Matti Sarinnen gítarleikari tvö frumsamin lög.
Ávörp fluttu Stefán Sigurðsson háskólarektor, Ólöf Ýrr Atladóttir ferðamálastjóri, Jónas Helgason kennari og leiðsögumaður og Helga Sigurðardóttir fyrir hönd nemenda.
Myndirnar eru af nemendum og forsvarsmönnum námsins.
