B.Sc. námi í sjávarútvegsfræðum má skipta í þrjá skilgreinda hluta, auðlindin og nýting hennar, viðskipta og hagfræðigreinar
og raungreinagrunnur. Að auki eru verkefnaáfangar þar sem verkefnin sem unnin eru
tengjast einhverjum fyrrgreindra þriggja hluta. Námið byggir að talsverðu leyti á samkennslu og er um einn þriðji námsins samkenndur
með öðrum námslínum í auðlindafræðum (líftækni og umhverfis- og
orkufræðum) og um einn þriðji að auki samkenndur með viðskiptafræðum.
Eftir stendur þá þriðjungur námsins sem eru sérgreinar í sjávarútvegsfræðum. Samsetningu námsins eftir árum og
önnum má sjá hér að neðan en hafa ber þó þann fyrirvara að áfangar færast stundum milli ára og missera.
Markmiðið með þessum greinum er að gera nemandanum kleift að skilja og þekkja helstu hugtök, ferla og tegundir í
vistkerfi hafsins, hvernig nýtingu auðlindarinnar er stjórnað og hvaða tækni og aðferðir eru notaðar frá veiðum til vinnslu. Áfangar
þessir eru flestir einungis kenndir í sjávarútvegsfræðum en eru þó í boði sem valgreinar fyrir aðra nemendur.
- Haf og veðurfræði
- Sjávarlíffræði
- Fiskifræði
- Stofnstærðarfræði fiska
- Veiðtækni
- Íslenskur sjávarútvegur (skipa-og
sjávarútvegsmál)
- Fiskeldi
- Vinnslutækni
- Matvælafræði fiska
Markmiðið með þessum greinum er að kenna nemendanum grunnatriði í viðskipta- og hagfræði og gera
þá fjármálalega læsa. Áfangar þessi eru samkenndir með viðskiptafræðideild.
- Markaðsfræði I
- Fjárhagsbókhald
- Fjármál I
- Rekstrarhagfræði
- Þjóðhagfræði
- Ársreikningurinn
- Stjórnun I
- Auðlindahagfræði
Markmiðið með
þessum greinum er að kenna nemendanum grunnatriði í raunvísindum og tölulegri greiningu sem eru undirstaða undir frekara námi í
sjávarútvegsfræðum. Áfangar þessi eru samkenndir með öðrum línum í aðlindafræðum og sumir þeirra einnig með
viðskiptafræðum.
- Efnafræði I
- Efnafræði II
- Líffræði
- Örverufræði
- Eðlisfræði I
- Stærðfræði I
- Stærðfræði II
- Tölfræði
- Fræðileg vinnubrögð
Verkefnavinna og val
Markmiðið með þessum greinum er að þjálfa nemandann í að beita þekkingu sinni og því sem
hann hefur lært til að leysa hagnýt vandamál, einn eða í hóp. Auk þess miða verkefnin að því að þjálfa nemendur
í frumkvæði og sjálfstæðum vinnubrögðum þar sem reynir á rökhugsun og greiningarfærni. Þá miða
kennsluaðferðir deildarinnar að því að nemendur öðlist færni í notkun upplýsingatækni og hugbúnaðar er nýtist
í starfi. Áhersla er á að verkefnavinna þessi sé á sérsviði nemandans.
