„Læsi snýst ekki einungis um lestur og ritun; læsi snýst um virðingu, tækifæri og þroska.“[1]
Þann 11. september efnir Miðstöð skólaþróunar við Háskólann á Akureyri til ráðstefnu um læsi í tengslum við alþjóðadag læsis 8. september og tekur þannig undir kall Sameinuðu þjóðanna um stuðning við að efla læsi.
Aðalfyrirlesarar á ráðstefnunni verða:
Helen Wolstencroft sjálfstætt starfandi ráðgjafi í Englandi
Jenný Gunnbjörnsdóttir sérfræðingur, Miðstöð skólaþróunar HA
Guðmundur Engilbertsson sérfræðingur, Miðstöð skólaþróunar HA
Auk aðalerinda eiga ráðstefnugestir kost á að taka þátt í allt að þremur af 22 málstofum. Efni málstofa er fjölbreytt og ættu kennarar á öllum skólastigum að geta fundið efni sem höfðar til þeirra
Á undanförnum áratug hefur Háskólinn á Akureyri lagt lóð á vogarskál læsis. Með stofnun Skólaþróunarsviðs fyrri 10 árum, nú Miðstöðvar skólaþróunar, skapaðist vettvangur fyrir þróunarstarf um læsi af margvíslegum toga í samstarfi við grunnskóla. Þau helstu eru:
Læsi til framtíðar
Byrjendalæsi
Orð af orði
Fágæti og furðuverk
Leikskólalæsi
Orðarún – lesskilningspróf fyrir 3. – 8. bekk
Lesmál fyrir 2. og 3. bekk
Skimunarprófið LÆSI, úttekt fyrir menntamálaráðuneytið
Upplestrarkeppnin, úttekt fyrir menntamálaráðuneytið
8. september, starfshópur um mótun lestrarhefða í samfélaginu í tengslum við alþjóðadag læsis
Ráðstefnur um læsi 2005, 2008 og 2010
Námsstefna um Byrjendalæsi 2010.
[1](Ban Ki-moon. 24. ágúst 2009. Secretary-General SG/SM/12423, OBV/805. Slóð sótt 20. maí 2010 frá: http://www.un.org/News/Press/docs/2009/sgsm12423.doc.htm )
