Grunnnám í auðlindafræði er þriggja ára nám. Hægt er að velja um eftirfarandi faggreinar:
• Líftækni
• Sjávarútvegsfræði
• Náttúru- og auðlindafræði diplóma
Einkenni námsins er þverfagleg nálgun þar sem saman fara nám og rannsóknir í raunvísindum og tæknigreinum samhliða áherslum á hagfræði, stjórnun og markaðsfræði. Slík menntun er forsenda góðrar auðlindastjórnunar og skipulags, og ýtir undir sjálfbæra nýtingu auðlinda og verðmætasköpun.
Hvar verður námið í boði?
Námið er í boði óháð staðsetningu.
Nám og kennsla
Við miðlun námsins verður mest stuðst við rafræn kennslukerfi, heimasíður kennara og upptökur úr dagskóla. Í þeim
námskeiðum sem eru samkennd með viðskiptafræði fer kennsla fram um myndfundabúnað. Kennsla í verklegum þáttum námskeiða fer fram
í lotum, tvisvar sinnum ein vika á misseri og er þá nauðsynlegt að nemendur komi til Akureyrar.
Hvenær er kennt?
Kennsla er að mestu leyti óháð stund og stað. Þau námskeið sem kennd eru
á myndfundum eru að jafnaði eftir kl. 17:00 á virkum dögum eða á laugardögum.
Hópstærðir
Almennt verður námskeið ekki kennt nema heildarfjöldi skráðra nemenda í námskeiðinu sé a.m.k. tíu.
Upplýsingar
Nánari upplýsingar veitir Ása Guðmundardóttir, skrifstofustjóri viðskipta- og raunvísindasviðs, í síma 460 8037, netfang: asa@unak.is.
|
„Sjávarútvegsfræði er þverfaglegt nám sem gefur möguleika á fjölbreyttu meistaranámi. Þú færð víðtæka þekkingu á sviði sjávarútvegs, raunvísinda og viðskipta.“ Gústaf Línberg Kristjánsson |
 |
