Háskólinn á Akureyri auglýsir tvær lausar stöður í mötuneyti HA, Kaffi Borg. Um er að ræða eitt 100% starf og eitt 50% starf.
Störfin heyra undir Rekstur fasteigna og næsti yfirmaður er forstöðumaður Reksturs fasteigna. Starfsstöðin er á háskólasvæðinu á Akureyri. Æskilegt er að viðkomandi geti hafið störf sem fyrst, eða eftir samkomulagi.
Kaffi Borg er líflegur vinnustaður þar sem 100-200 manns borða daglega. Þar dafnar fjölbreytt samfélag starfsfólks og stúdenta og má segja að Kaffi Borg sé miðpunktur háskólans.
Helstu verkefni og ábyrgð
- Matseld og framreiðsla matar með hollustu að leiðarljósi
- Móttaka og frágangur matvæla í eldhúsi
- Afgreiðsla þjónustubeiðna er varða fundi og aðra viðburði
- Sinnir gæðaeftirliti og skráningum
- Önnur tilfallandi verkefni
Hæfniskröfur
- Hæfni í matseld og framreiðslu matar
- Sjálfstæð vinnubrögð og frumkvæði
- Sveigjanleiki og hæfni í mannlegum samskiptum
- Íslenskukunnátta er skilyrði
- Gott vald á ensku máli
- Góð almenn tölvukunnátta
Umsókn skal fylgja:
- Yfirlit yfir náms- og starfsferil
- Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið
- Tilnefna skal tvo meðmælendur og æskilegt er að annar þeirra sé næsti yfirmaður í núverandi eða fyrra starfi
Umsóknarfrestur er til og með 01.10.2024
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.
Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.
Nánari upplýsingar veitir
Jóna Sigurlaug Friðriksdóttir, jona@unak.is, 460 8024.
Sækja um starf
