Háskólabærinn Akureyri

Háskólabærinn Akureyri

Á Akureyri er allt sem þú þarft til að stunda nám og njóta lífsins.

Rólegt yfirbragð bæjarins minnir helst á evrópskan smábæ. Undirniðri er iðandi mannlíf öflugs þekkingarsamfélags. Háskólinn á Akureyri er miðpunktur þekkingarinnar og miðlunar hennar.

Nálægðin við náttúruna, öflugt menningarlíf og þjónusta við bæjarbúa auka lífsgæði nemenda.

Á Akureyri búa um 20.000 manns.

Kynntu þér námsframboð HA  Kynntu þér félagslífið í HA

Hvernig kemstu á milli staða?

Það er ókeypis í strætó á Akureyri. Kynntu þér leiðakerfi strætó.

Icelandair er með fimm ferðir á milli Akureyrar og Reykjavíkur á virkum dögum og þrjár til fjórar ferðir um helgar.

Taktu börnin með til Akureyrar

Það er öflugt skóla- og tómstundastarf fyrir börn og unglinga á Akureyri. Tekið er vel á móti nýjum nemendum. 

Að jafnaði fá foreldrar leikskóladvöl fyrir barn sitt þegar það hefur náð 12 mánaða aldri í ágúst.

Stuðningur er við börn sem eiga erfitt með að aðlagast umhverfi sínu. Fræðsla og meðferðarúrræði byggja meðal annars á PMTO aðferðarfræði.

Foreldrar geta valið leik- og grunnskóla óháð hverfi. Fjölbreyttir möguleikar eru í verknámi og á bóknámsbrautum fyrir framhaldsskólanema.

Kynntu þér þjónustu Akureyrarbæjar.

Tómstundir

Á Akureyri er hægt að finna eitthvað fyrir alla. Matsölustaðir, kaffihús, listsýningar og útivist næra líkama og sál.

Hlekkir sem auðvelda þér að finna afþreyingu við hæfi:

Útivistarsvæði

Menning

Íþróttafélög

Íþróttamannvirki

Tónlist

Heilbrigðisþjónusta

Heilbrigðisþjónusta er góð á Akureyri. Hér er stærsta sjúkrahúsið utan höfuðborgarinnar.

Heilsugæslan sinnir bráðavaktþjónustu á virkum dögum fyrir þá sem þurfa að komast til læknis strax.

Myndband um háskólabæinn og háskólann