Sálfræðiþjónusta

Nemendaþjónusta HA býður upp á sálfræðiþjónustu og er stúdentum að kostnaðarlausu.

Áhersla er lögð á hópnámskeið byggð á hugrænni atferlismeðferð. Í því felst sex vikna HAM námskeið við þunglyndi og kvíða. Tímar eru vikulega í 90-120 mínútur, í lok hvers tíma eru lögð fyrir heimaverkefni. Auk þess er hægt að óska eftir ráðgjöf og stuðningi í einstaklingsviðtölum.

Sálfræðiþjónustan er í boði bæði á staðnum og raftænt. Miðað er við allt að 6 viðtöl á misseri.

Þjónustunni er ekki ætlað að fást við alvarleg sálmein svo sem langvinna geðsjúkdóma eða fíknisjúkdóma en leitast er við að vísa á viðeigandi úrræði innan heilbrigðisþjónustunnar.

Sálfræðiþjónustan er á F-gangi inn af bókasafni HA, skrifstofa F213.

Hafa samband

Ef þú hefur áhuga á að nýta þér þjónustuna getur þú sent tölvupóst á netfangið sali@unak.is. Einnig má hafa samband við náms- og starfsráðgjafa sem vísar málum til sálfræðings. 

Þú getur líka bókað viðtal á bókunarvefnum okkar.

Opinn símatími

Þú getur einnig hringt í opinn símatíma á mánudögum milli klukkan 14:30-15:30 í síma 460-8034. Þar getum við planað viðtalstíma og rætt um þjónustuna.

Hagnýt ráð í háskólanámi

Í krefjandi háskólanámi getur verið eðlilegt að finna fyrir áhyggjum, kvíða og depurð. Stundum fara þó slíkar tilfinningar að trufla námsárangur og lífsgæði. Þá getur verið tilefni til að grípa inn í. Hér er farið yfir nokkur hagnýt ráð sem geta gagnast í slíkum tilfellum og hjálpað til við að ná tökum á aðstæðum.

• Áhyggjur
• Kvíði í námi
• Þunglyndi og depurð
• Óhjálpleg hugsanamynstur
• Sjálfsmat
• Frestun
• Hugsanir og HAM
• Að skrá sjálfvirkar hugsanir í hugsanaskrá

Stundum dugar að tileinka sér það sem kemur fram hér og líðan batnar, en ef vandinn er hins vegar enn til staðar gæti verið gott að leita aðstoðar fagfólks. Hafðu samband við sálfræðing háskólans eða leitaðu til heilsugæslu ef þú telur þig þurfa meiri hjálp.

Gagnlegir tenglar