Viltu sameina viðskiptaþekkingu og eina mikilvægustu atvinnugrein Íslands?

Viðskiptafræði við Háskólann á Akureyri veitir þér sterkan grunn í rekstri, fjármálum og stjórnun. Með sjávarútveg sem aukagrein færðu sérhæfingu sem er einstök á íslenskum vinnumarkaði.

Sérstaða námsins felst í sveigjanlegu fyrirkomulagi og nánu sambandi við atvinnulífið. Þú getur stundað óháð stað og stund.

Í viðskiptafræði getur þú lagt áherslu á:

Er námið fyrir þig?

  • Hefur þú áhuga á íslenskum sjávarútvegi og verðmætasköpun?
  • Viltu læra um fullnýtingu sjávarafurða og sjálfbærni?
  • Heillar rekstur og stjórnun fyrirtækja þig?
  • Langar þig að stofna eða starfa í eigin fyrirtæki?
  • Viltu starfa í alþjóðlegu viðskiptaumhverfi?
  • Hefur þú áhuga á fjármálum og markaðsmálum?

Áherslur námsins

Námið veitir breiðan grunn í viðskiptagreinum ásamt sérhæfðum áföngum í sjávarútvegsfræðum.

Þú öðlast þekkingu á:

  • rekstri fyrirtækja og fjármálastjórnun
  • markaðsmálum og stefnumótun
  • virðiskeðju sjávarútvegs
  • nýtingu og verðmætasköpun úr sjávarauðlindum

Mikil áhersla er lögð á samvinnu við fyrirtæki og stofnanir sem starfa í sjávarútvegi og stoðgreinum hans. Þú vinnur raunhæf verkefni, bæði einstaklings- og hópverkefni, og þjálfar gagnrýna hugsun og sjálfstæð vinnubrögð.

Þú getur skoðað skipulag námsins í Uglu, kennsluvef háskólans.

Sveigjanlegt nám

Grunnnám við HA er sveigjanlegt nám og allir fylgja sömu námskrá og sömu kröfum.

Flestir fyrirlestrar eru teknir upp og aðgengilegir á kennsluvef, þannig að þú getur horft á þá þegar þér hentar. Einnig er hægt að taka þátt í umræðum og verkefnavinnu á kennsluvef.

Um miðbik hvers misseris er námslota á Akureyri þar sem gert er ráð fyrir mætingu en þó er ekki skyldumæting. Þar er lögð áhersla á verkefnavinnu og umræður og gefst tækifæri til að hitta kennara og samnemendur og tengjast enn betur háskólasamfélaginu þínu.

Athugið að fullt háskólanám jafngildir að jafnaði 50–60 stunda vinnuviku.

Hér getur þú lesið meira um sveigjanlega námið og séð hvenær námslotur eru.

Möguleikar að námi loknu

Með viðskiptafræði og sjávarútveg sem aukagrein öðlast þú menntun sem nýtist bæði innan sjávarútvegs og á almennum vinnumarkaði.

Starfsvettvangur getur verið hjá:

  • sjávarútvegsfyrirtækjum og stoðgreinum
  • bönkum og fjármálafyrirtækjum
  • opinberum stofnunum
  • ráðgjafarfyrirtækjum
  • nýsköpunar- og sprotafyrirtækjum

Brautskráðir nemendur starfa meðal annars sem framkvæmdastjórar, fjármálastjórar, markaðsstjórar, verkefnastjórar og ráðgjafar.

Tvær gráður á fjórum árum

Með því að bæta við einu námsári getur þú útskrifast bæði í viðskiptafræði og sjávarútvegsfræði.

Félagslífið

Félagslíf er mikilvægur þáttur háskólanáms og er félagslíf nemenda við HA öflugt.

Allir nemendur við háskólann eru í Stúdentafélag Háskólans á Akureyri (SHA) en einnig er hver deild með sitt nemendafélag. Reki er félag viðskiptafræðinema og þú getur nálgast nánari upplýsingar um félagið á Facebook.

Inntökuskilyrði

Almenn krafa er að umsækjendur hafi lokið stúdentsprófi, lokaprófi frá framhaldsskóla á þriðja hæfniþrepi, jafngildu erlendu prófi eða 60 ECTS einingum frá viðurkenndum háskóla.

Undanþágur
Umsækjendur án stúdentsprófs sem hafa lokið að lágmarki 153 einingum á framhaldsskólastigi og hafa náð 25 ára aldri koma aðeins til skoðunar ef námspláss leyfir. Þá er einnig horft til námseininga og starfsreynslu.

Hér getur þú lesið meira um inntökuskilyrði háskólans.

Skiptinám

Allir nemendur eiga kost á að taka hluta af námi sínu við erlenda samstarfsháskóla.

Þú færð niðurfellingu á skólagjöldum gestaskólans og greiðir eingöngu innritunargjald í HA. Alþjóðafulltrúi aðstoðar þig við að sækja um námið, húsnæði og nemendastyrk.

Þú getur smellt hér og lesið meira um skiptinám.

Umsagnir

Háskólinn á Akureyri bjó mig vel undir krefjandi framhaldsnám erlendis, í University of Edinburgh Business School. Stærð HA auðveldar samskipti við kennara verulega án þess að koma niður á yfirgripsmiklu námsframboði.

Andri Dan Traustason
Framkvæmdastjóri Sessor

Námið við Háskólann á Akureyri er metnaðarfullt og einstaklingsmiðað. Stærð skólans og skipulag námsins skapar möguleika á persónulegri samskiptum og aðstoð frá kennurum en gengur og gerist. Námið er vel uppbyggt og fjölbreytt, nemendahópurinn þéttur og verkefnavinnan krefjandi. Námið undirbjó mig vel fyrir vinnumarkaðinn.

Kristín Helgadóttir
Þjónustufulltrúi, Sparisjóði Höfðhverfinga, Akureyri