Lögreglu og löggæslufræði

Hlusta

Lögreglu- og löggæslufræði er fyrir þá sem hafa lokið diplómanámi fyrir verðandi eða starfandi lögreglumenn og hafa áhuga á að dýpka sinn fræðilega bakgrunn.

Um er að ræða 60 ECTS eininga viðbót við 120 ECTS diplómanám til BA-prófs í lögreglu- og löggæslufræði, samtals 180 ECTS.

Háskólinn á Akureyri er eini háskólinn á Íslandi sem býður upp á nám í lögreglu- og löggæslufræði.

Tengdar námsleiðir:

Er námið fyrir þig?

Viltu öðlast dýpri skilning á hlutverki lögreglu í samfélaginu?
Hefur þú áhuga á að fræðast um orsakir afbrota og frávikshegðun?
Viltu fræðast um hvernig samfélög stemma stigum við afbrotum og frávikum?
Viltu öðlast fræðilega þekkingu á löggæslu og rannsóknum afbrota?
Hefur þú áhuga á að starfa innan réttarvörslukerfisins?
Viltu styrkja fræðilega þekkingu þína á réttarvörslukerfinu?

Áherslur námsins

Stúdentar sem lokið hafa diplómaprófi í lögreglufræði fyrir verðandi eða starfandi lögreglumenn, geta bætt við sig 60 ECTS einingum til BA-prófs í lögreglu- og löggæslufræði.

BA-námið leggur grunn að ólíkum leiðum í námi og starfi. Þú getur aflað þér sérhæfingar í stjórnun, aðgerðum gegn ofbeldi og mansali, rannsóknum efnahagsbrota, alþjóðlegu hjálpar- og þróunarstarfi, persónufrelsi, siðferði og fræðastarfi á háskólastigi, svo fátt eitt sé nefnt.

Fjallað er ítarlega um lög, afbrot í samfélaginu, samskipti við brotaþola, vitni og almenning. Stúdentar njóta góðs af sérþekkingu kennara og sérhæfðri reynslu þeirra af löggæslustörfum.

Athugið að þriðja árið er viðbót (60 ECTS) við diplómanámið (120 ECTS)
Þú getur skoðað skipulag námsins neðar á síðunni og í Uglu, kennsluvef háskólans

Möguleikar að námi loknu

Stúdentar sem ljúka BA-prófi eiga kost á að sækja sér framhaldsmenntun á sínu fagsviði við íslenska og erlenda háskóla.

Félagslífið

Félagslíf er mikilvægur þáttur háskólanáms og er félagslíf stúdenta við HA öflugt.

Allir stúdentar við háskólann eru í Stúdentafélagi Háskólans á Akureyri (SHA) en einnig er hver deild með sitt stúdentafélag. Kumpáni er félag lögreglufræðinema og þú getur nálgast nánari upplýsingar um félagið á Facebook.

Inntökuskilyrði

Stúdentar sem lokið hafa 120 ECTS eininga diplómaprófi í lögreglufræði fyrir verðandi eða starfandi lögreglumenn geta bætt við sig 60 ECTS einingum til BA-prófs í lögreglu- og löggæslufræði.

Sveigjanlegt nám

Allt grunnnám við Háskólann á Akureyri er sveigjanlegt nám sem þýðir að þú getur stundað námið að mestu óháð staðsetningu. Allir fylgja sömu námskrá og námskröfur eru þær sömu.

Flestir hefðbundnir fyrirlestrar eru teknir upp og settir á kennsluvef. Þannig getur þú horft á fyrirlestra þegar þér hentar og eins oft að þú vilt. Þú getur jafnvel hægt eða hraðað á hljóðinu. Í einhverjum námskeiðum getur þó verið gerð krafa um að stúdentar mæti rafrænt í rauntíma. Okkur þykir samt auðvitað skemmtilegt að sjá þig í kennslustund.

Allir stúdentar þurfa að koma 1 sinni á misseri í stuttar kennslulotur til Akureyrar, þar sem megináhersla er lögð á verkefnavinnu og umræður. Þar gefst þér tækifæri til að hitta kennara, samnemendur og tengjast enn betur háskólasamfélaginu þínu. Skyldumæting er í námslotur.

Kynntu þér því vel dagsetningar námslotna sem birtar eru með góðum fyrirvara.

Hér getur þú séð drög hvenær námslotur eru

Vinsamlega athugið að hver vika í fullu háskólanámi er ígildi 50-60 stunda vinnuviku. Fyrir vikið er ekki mælst til þess að nemar stundi fullt nám samhliða fullri vinnu.

Hér getur þú lesið meira um sveigjanlega námið

Skiptinám

Allir stúdentar eiga kost á að taka hluta af námi sínu við erlenda samstarfsháskóla. Þú færð niðurfellingu á skólagjöldum gestaskólans og greiðir eingöngu innritunargjald í HA. Alþjóðafulltrúi aðstoðar þig við að sækja um námið, húsnæði og nemendastyrk.

Þú getur smellt hér og lesið meira um skiptinám.

Spurt og svarað

Geta stúdentar tekið námi í hlutanámi?

Stúdentar geta tekið diplómanám fyrir verðandi lögreglumenn í hlutanámi en þurfa að fylgja reglum HA um námsframvindu.

Hvernig getur maður lokið BA-gráðu í lögreglu og löggæslufræði?

Stúdentar sem lokið hafa diplómaprófi í lögreglufræði fyrir verðandi lögreglumenn eða starfandi lögreglumenn geta bætt við sig 60 ECTS einingum til BA-prófs í lögreglu- og löggæslufræði.

Er spurningunni þinni ósvarað?

Ef þetta svarar ekki spurningum þínum þá getur þú beint spurningum varðandi bóklegt nám til verkefnastjóra námsbrautar í lögreglufræði heidrunosk@unak.is og varðandi starfsnám á netfangið starfsnam@logreglan.is.

Umsagnir

Í HA er tekið vel á móti manni og andrúmsloftið í háskólanum er persónulegt. Aðgengi að kennurum er gott og maður fær hjálp við að finna hvaða leið er best fyrir mann í náminu. Námið er gott tækifæri fyrir lærða og verðandi lögreglumenn til að mennta sig á háskólastigi og öðlast tækifæri til sérhæfðrar menntunar á hinum ýmsu sviðum hvort sem er innanlands eða erlendis.

Haraldur Logi Hringsson

Lögreglumaður á Norðurlandi Eystra

Skipulag náms fyrir nýnema

1. ár

Bundið val

Nemendur velji námskeið af áherslusviðum í samráði við kennara/brautarstjóra deildarinnar.

Nánar um námskeiðið

Samskipti og fagleg tengsl

Námskeiðið snýst um samskiptafærni og samstarfsfærni við notendur/skjólstæðinga og samstarfsfólk þar sem fjallað er um helstu hugmyndir, kenningar og aðferðir er lúta að faglegum samskiptum og tengslum. Meðal annars er fjallað um þverfaglega teymisvinnu og rýnt í hlutverk ólíkra fagstétta innan velferðarkerfisins. Kynntar eru helstu aðferðir í viðtalstækni og nemendur æfa sig í að beita þeim. Nemendur rýna í eigin samskiptahætti og læra að nota samskipti á meðvitaðan hátt til að ýta undir og styrkja ákveðna færni og eiginleika til að takast á við margbreytilegar kröfur þess að vera fagmaður í krefjandi störfum. Auk þess er mikilvægi sjálfsþekkingarfærni og slökunar kynnt fyrir nemendum.

Nánar um námskeiðið

Íslenskt mál

Námskeiðið veitir nemendum þjálfun í notkun íslensks máls sem vinnutækis. Í þessum tilgangi verða kynnt til sögunnar helstu yfirlitsrit og orðabækur sem nýtast við hvers konar ritun. Einnig verður fjallað um einkenni formlegs og/eða fræðilegs ritmáls og nemendum veitt leiðsögn í slíkum skrifum þar sem sérstök áhersla verður lögð á ýmis vandasöm málfarsleg atriði. Jafnframt verður lögð áhersla á þjálfun nemenda í ritun lengri fræðilegra ritsmíða. Loks verður íslensk málstefna tekin til umfjöllunar og þar hugað sérstaklega að birtingarmyndum hennar í skólakerfinu.

Nánar um námskeiðið

Gerð rannsóknaráætlana í félagsvísindum

Í þessu námskeiði fá nemendur þjálfun í gerð rannsóknaráætlunar með það að markmiði að undirbúa nemendur undir skrif á BA ritgerð. Farið verður yfir hvernig velja á efni ritgerðar og leiðbeinanda. Nemendur setja fram rannsóknarspurningu og finna bestu aðferðina til að svara þeirri spurningu. Nemendur kynna sér tiltekið rannsóknasvið, finna helstu kenningar og lykilrannsóknir á því sviði og fjalla um þær með gagnrýnum hætti. Í lok námskeiðs skila nemendur rannsóknaráætlun þar sem gerð er tillaga að verkefni til að svara tiltekinni rannsóknaspurningu á viðkomandi sviði. Skyldumæting er í þetta námskeið.

Nánar um námskeiðið

Gagnrýnin hugsun

Í námskeiðinu þjálfast nemendur í að leggja gagnrýnið mat á upplýsingar, einkum úr fjölmiðlum og almennri umræðu. Fjallað er um grunnhugtök rökfræði og muninn á góðum rökum annars vegar og mælskubrögðum og rökvillum hins vegar. Nemendur fræðast um sálræna og félagslega þætti sem hafa áhrif á dómgreind og mat á upplýsingum. Sérstaklega er hugað að tölulegum upplýsingum; tilurð þeirra, notkun og og gildi.

Nánar um námskeiðið

Ályktunartölfræði í félagsvísindum

Kenndar eru nokkrar helstu úrvinnsluaðferðir innan ályktunartölfræði, s.s. fjölbreytugreining, dreifigreining, aðhvarfsgreining, tvíflokka aðhvarfsgreining, þáttagreining og áreiðanleikaprófun á kvörðum. Nemendur eiga að geta leyst úr verkefnum sem þessu tengjast með aðstoð viðeigandi tölfræðiforrita, túlkað niðurstöður og dregið viðeigandi ályktanir.

Nánar um námskeiðið

Málstofa í lögreglufræði

Í málstofunni er kafað ofan í valið viðfangsefni, eða röð skyldra viðfangsefna, sem varpa ljósi á störf lögreglunnar og löggæslu í samfélaginu. Kennslan er með málstofusniði sem krefst virkar þátttöku nemenda. Yfirskrift og efnisþættir eru ákveðnir á vori hverju fyrir komandi kennsluár og birtir í kennsluskrá.
Kynningar og umræður í vikulegum umræðutímum sem fara fram í rauntíma.

Nánar um námskeiðið

Réttarfélagsfræði

Réttarfélagsfræði (sociology of law) er kynnt og rætt um tengsl hennar við aðrar fræðigreinar Helstu kenningar réttarfélagsfræðinnar verðar raktar og veitt yfirlit um rannsóknaraðferðir og aðferðafræðileg vandamál við rannsóknir á þessu sviði. Sérkennum trúarlegra, lagalegra og læknisfræðilegra taumhaldsstofnana verður lýst og rakin barátta þeirra um eignarhald á mismunandi tegundum frávika í aldanna rás. Rætt verður um áhrif félagslegra, pólitískra og efnahagslegra hagsmuna á samspil löggjafarvalds, framkvæmdavalds og dómsvalds í réttarkerfi samtímans. Rætt verður um ýmsar tegundir afbrota og tengsl þeirra við félagslega þætti og vinsældir mismunandi refsiúrræða á ýmsum söguskeiðum. Rætt verður um lagalega úrlausn deilna í tímans rás og leiðir til að koma á sáttum milli manna og stríðandi fylkinga. Loks verður gerð grein fyrir samspili félagslegra breytinga og réttarkerfisins og nútímavæðingu þess. Fjallað verður sérstaklega um þróunina á Íslandi í því samhengi.

Nánar um námskeiðið