Spurt & svarað

Umsækjendur sem sækja um grunnnám þurfa að hafa lokið stúdentsprófi, lokaprófi frá framhaldsskóla á þriðja hæfniþrepi, jafngildu erlendu prófi eða 60 ECTS einingum frá viðurkenndum háskóla.

Umsækjendur sem sækja um framhaldsnám þurfa að hafa lokið BA eða BSc prófi eða sambærilegu þriggja ára háskólanámi með fyrstu einkunn (7,25 nema annað sé tekið fram).

Mismunandi inntökuskilyrði gilda fyrir deildir háskólans. Sumar deildir veita undanþágur frá almennum inntökuskilyrðum. Hér finnur þú nánari upplýsingar um aðgangsviðmið og undanþágur.

Tekið er við umsóknum í grunnnám og framhaldsnám frá byrjun mars til og með 5. júní.
ATH! Aðrir umsóknarfrestir geta gilt um einstaka brautir.

Nei, Háskólinn á Akureyri býður upp á sveigjanlegt nám sem þýðir að allir stunda sama námið.

Þú sækir um nám við HA með því að fylla út umsókn á vef háskólans. Þar finnur þú einnig upplýsingar um nauðsynleg fylgigögn og fleira.

Háskólinn á Akureyri tekur á móti skönnuðum staðfestum gögnum eða stafrænt undirrituðum skjölum um fyrra nám umsækjenda sem gild fylgigögn með umsókn um nám við HA.

Umsóknir eru ekki teknar til afgreiðslu nema að þeim fylgi staðfest gögn um fyrra nám eða umsækjandi gefi HA leyfi til að sækja stúdentsskírteini beint í Innu. Skönnuð afrit af staðfestum gögnum eða stafrænt undirrituð skjöl má hengja við umsóknina (á .pdf-sniði) eða senda þau í tölvupósti á nemskra@unak.is. 
Þá má einnig senda gögn á pappír í bréfapósti á:

Háskólinn á Akureyri
b.t Nemendaskrá
Norðurslóð 2
600 Akureyri

Athugið að ljósmyndir (sem dæmi .jpg-snið eða .png-snið) af skírteinum er ekki teknar gildar.

Skönnuð prófskírteini skulu vera í frumriti eða staðfest afrit með stimpli frá viðkomandi skóla.

HA áskilur sér rétt til að kalla eftir frumritum prófskírteina áður en umsókn er tekin til afgreiðslu.

Þú fylgist með stöðu umsóknar þinnar á samskiptagátt HA. 

Stúdentar við HA greiða árlegt skrásetningargjald, sem er 75.000 kr., en ekki skólagjöld. Nýnemar greiða skrásetningargjaldið í samskiptagátt Uglu. Stúdentar greiða skrásetningargjaldið í gegnum Uglu í kjölfar árlegrar skráningar. Hægt er að greiða með einni kortagreiðslu eða með kortaláni.

skrásetningargjaldið verður að greiða fyrir eindaga, 4. júlí. Ef greitt er eftir eindaga reiknast 15% álag á gjaldið. skrásetningargjald verður þá 86.250 krónur. Gengið er frá greiðslu skrásetningargjalds með álagi í samskiptagátt Uglu. Með greiðslu gjaldsins staðfestir umsækjandi skólavist sína.

Þeir sem hafa 75% örorkumat fá 50% skrásetningargjalda endurgreidd gegn framvísun á staðfestingu á örorkumati til Nemendaskrár.

Nánari upplýsingar um skrásetningargjaldið má finna hér.

Upphaf háskólanáms markar tímamót og vekur margar spurningar. Á vefsíðunni Nýnemi 101 er hægt að finna svör við nokkrum þeirra sem algengar eru. Nánari upplýsingar er hægt að fá hjá starfsfólki háskólans, Stúdentafélagi HA og samnemendur þínir hjálpa þér líka án efa eftir fremsta megni.

Með því að sleppa því að greiða skrásetningargjald skólaárs ertu þú að afþakka skólavist.

Þú getur líka látið vita á nemskra@unak.is að þú ætlir ekki að þiggja skólavist.

Stúdentar sem ætla að hætta námi skulu tilkynna það með tölvupósti á nemskra@unak.is. Senda þarf tölvupóstinn úr HA netfangi. Stúdent er þá skráður úr öllum námskeiðum skólaársins.

Þú þarft að sækja um notendanafn og lykilorð í samskiptagátt Uglu.

1. Þú skráir þig inn með því netfangi og lykilorði sem þú notaðir þegar þú sóttir um skólavist
2. Undir Yfirlit umsókna smellir þú á græna hnappinn Sækja notendanafn fyrir Uglu
3. Þá kemur upp gluggi með notendanafni og lykilorði. Mundu að skrá notendanafnið niður! Þú munt ekki fá þessa síðu upp aftur.
4. Nú getur þú skráð þig inn á Uglu með notendanafn@unak.is og lykilorðinu. Þú breytir svo lykilorðinu í Uglu.

Ef þú lendir í vandræðum sendir þú beiðni á hjalp.unak.is. Kennitalan þín verður að fylgja með í beiðninni.

Með aðgangi að Uglu færð þú einnig netfang hjá háskólanum (notendanafn@unak.is) og aðgang að Canvas. Háskólatölvupóstinn finnur þú í gegnum Uglu eða á office.unak.is.

Allir stúdentar þurfa að greiða skrásetningargjald við skólann sama hversu margar einingar stúdentar taka. Skrásetningargjald er innheimt samkvæmt lögum um opinbera háskóla og upphæð þess er ákvörðuð með lögum. Háskólinn er því eingöngu að framfylgja lögum við innheimtu skrásetningargjalds.

Skrásetningargjaldið er notað til að greiða fyrir einskiptiskostnað vegna skráningar stúdenta, t.d. hugbúnaðarleyfi, ýmsa umsýslu við skráningu, gjald til stúdentafélaga og Félagsstofnunar stúdenta við HA og fleira. Skrásetningargjald er ekki notað til að greiða fyrir kennslu eða rannsóknir og því ekki endurgreitt þó námsferlar stúdenta breytist. 

Reglur um gjaldskrá HA er hægt að nálgast hér.

Upplýsingar um nýnemadaga, upphaf kennslu og kennslutímabil má finna í kennslualmanaki HA.

Stundatöflur má finna í Uglu, innri vef HA.

Stundatafla fyrir haustmisseri er birt um miðjan ágúst og stundatafla fyrir vormisseri er birt um miðjan desember.

Námskeiðssáætlun finnur þú á vef hvers námskeiðs í Canvas. Í námskeiðssáætlun er að finna upplýsingar um lesefni námskeiðsins.

Í námskeiðssáætlun á einnig að koma fram hvernig námsmati námskeiðsins er háttað, þ.e. vægi prófa og/eða verkefna, hvort mætingarskylda er í námskeiðinu o.s.frv.

Kennsluskrá sýnir öll námskeið sem kennd eru á tilteknu skólaári. Þar má einnig sjá upplýsingar um námskeiðin.

Sem dæmi getur kennsluskráin komið sér vel þegar þú velur þér valnámskeið. Þá getur þú séð öll námskeið sem eru kennd á skólaárinu eftir námsleið.

Smelltu hér til að skoða kennsluskrá í Uglu, innri vef HA.

Í námskrá getur þú séð væntanlegt námsfyrirkomulag fyrir námsleiðina þína. Námskráin sýnir hvaða námskeið þú þarft að taka og hvenær yfir námstímann.

Smelltu hér til að skoða námskrá í Uglu, kennsluvef HA.

Þú finnur bókalista í Uglu á vef námskeiðsins undir „Bækurnar mínar". Þeir sem ekki hafa aðgang að Uglu sjá bókalista í kennsluskrá.

Námið í HA er sveigjanlegt, það þýðir að það er engin munur gerður á staðar- og fjarnemum. Allir mæta til Akureyrar í tvo til fjóra daga að minnsta kosti einu sinni á misseri í námslotu. Fyrir utan lotuna er námið óháð stað, en ekki alltaf stund og stúdentar þurfa því stundum að mæta rafrænt í rauntíma á fyrirlestra, umræðutíma og/eða verkefni.

Lotur eru birtar á vef HA, mætingarreglur eru ólíkar á milli deilda og ber stúdentum að kynna sér þær.

Þú þarft að staðfesta námskeiðin sem þú ætlar að vera í á hverju kennslumisseri. Með því ert þú að láta vita að þú ætlir að sitja námskeiðin og þú ert að skrá þig í lokapróf. Ef þú gerir þetta ekki verður þú skráð/ur úr þeim og úr öllum prófum. Einnig verður aðgangi þínum að kennslukerfum HA (Canvas) lokað.

Þú staðfestir skráningu í námskeið með því að smella á borðann sem birtist efst í Uglu. Mundu eftir að staðfesta valið með því að smella á „Vista“ neðst á síðunni.

• Þú sérð hvort þú sér búin/n að staðfesta námskeið misseris á Uglan mín → Námskeiðin mín

Þú þarft að staðfesta námskeið á haustmisseri (og breyta vali ef þú vilt) á tímabilinu frá upphafi kennslu til 15. september.. Þú þarft að staðfesta námskeið á vormisseri (og breyta vali ef þú vilt) á tímabilinu frá upphafi kennslu til 20. janúar. Að loknum þessum tímabilum er ekki hægt að skrá sig í ný námskeið á tilteknu misseri. 

Nánari upplýsingar um skráningu í námskeið og próf.

Þú hefur til 1. nóvember á haustmisseri og 1. apríl á vormisseri til að skrá þig úr námskeiði.

Þú skráir þig úr námskeiðum í Uglu:

Uglan mín → Námskeiðin mín → Fyrir aftan hvert námskeið er tákn fyrir úrsögn úr námskeiði. Athugaðu að staðfesta þarf valið svo úrsögn taki gildi.*

Ef þú skráir þig ekki úr námskeiði, sem þú ætlar ekki að taka, jafngildir það falli í námskeiðinu.

*Breytingar á námskeiðaskráningu koma fram í stundatöflu eftir þrjá klukkutíma.

Nánari upplýsingar um skráningu úr námskeiðum og prófum.

Í mars á hverju ári fer fram skráning í áframhaldandi nám, í Uglu. Stúdentar skrá sig í námskeið næsta skólaárs. Það er mjög mikilvægt að sinna skráningunni þar sem hún jafngildir skráningu í skólann næsta ár. Þú skráir þig með því að smella á borðann sem birtist í Uglu. Stúdentar greiða skrásetningargjaldið í Uglu í kjölfar árlegrar skráningar með eingreiðslu eða með kortaláni. Skráir þú þig ekki er litið svo á að þú sért hætt/ur námi.

Mundu eftir að staðfesta valið með því að smella á „Vista“ neðst á síðunni. Með því að greiða skrásetningargjaldið staðfestir þú að þú ætlir að halda áfram námi.

Stúdentar geta sjálfir breytt skráningu í námskeið til 15. september fyrir haustmisseri og til 20. janúar fyrir vormisseri.

Nánari upplýsingar um dagsetningu árlegrar skráningar eru í kennslualmanaki HA. Þurfir þú aðstoð við námskeiðaskráningu getur þú leitað til Nemendaskrár.

Þú getur sótt um mat á fyrra námi. Upplýsingar um reglur eru á vef HA.

Upplýsingar um nám í erlendum skólum gefur Miðstöð alþjóðasamskipta:

• international@unak.is
• Viðtalstímar eftir samkomulagi
• Vefsíða skiptináms HA

Sjá einnig vefsíðu um nám erlendis: www.farabara.is

Í reglum Háskólans á Akureyri nr. 387/2009 er kveðið á um hámarksnámstíma. Hámarkstími í tilteknu námi við skólann skal vera 50% umfram áætlaðan námstíma, en deildarfundur fræðasviðs getur þó veitt undanþágur frá þeim áskilnaði í sérstökum tilvikum. Fræðasvið geta sett sér frekari reglur um námsframvindu í samvinnu við kennslusvið., sbr. 29. gr. reglna sem fjallar um stúdenta, kennslu og námsmat. Stúdentar sem ekki ná að ljúka námi innan tilskilins tíma þurfa að sækja um endurinnritun samkvæmt nýjustu námskrá þess náms sem þeir stunda nám í.

Ef stúdentar velja að endurtaka námskeið til að reyna að hækka einkunn þá gildir nýjasta tilraunin. Sem sagt eldra námskeiðið dettur út og seinni einkunnin gildir, sama hvort hún er hærri eða lægri.

Öll námskeið sem hafa einhverjar forkröfur eru merkt með flaggi.

• Rautt flagg merkir nauðsynleg undirstaða, stúdentar mega ekki taka rauðflaggað námskeið nema að hafa lokið undanfara þess. Stúdentar sem ekki uppfylla forkröfur verða skráðir úr viðkomandi námskeiði.
• Gult flagg merkir æskileg undirstaða, stúdentar mega taka gulflögguð námskeið. Mælt er með því að stúdentar hafi lokið ákveðnum námskeiðum áður en þeir taka slík námskeið en það er þó ekki skylda.
• Fjólublátt flagg merkir að einhverjar forkröfur séu og þær þá tilgreindar sérstaklega um hvert námskeið. Stúdentum er heimilt að taka námskeið flögguð með fjólubláum fána með ákveðnum skilyrðum sem skráð eru á viðkomandi námskeið í kennsluskrá.

Þú getur sótt þér vottorð í Uglu án endurgjalds:

1. Vottorð sem staðfestir stöðu námsferils (brautskráður eða yfirstandandi ferill)
2. Vottorð sem staðfestir greiðslu skrásetningargjalds (síðasta greiðsla)
3. Vottorð sem staðfestir stöðu skólaárs (aðeins yfirstandandi skólaár)
4. Námsferilsyfirlit

Smelltu hér til að sækja vottorð í Uglu.

Hægt er að fá ofangreind skjöl afgreidd á Þjónustuborði Nemendaskrár eða með því að senda tölvupóst á nemskra@unak.is úr HA-netfanginu þínu. Þá kostar vottorðið 450 kr.

Þú getur komið til okkar á Þjónustuborði nemendaskrár, stk. kostar 450 kr.

Ef þú þarft staðfestingu á mætingu í lotu þá er krafa um að þú óskir eftir því á meðan henni stendur. Ef þú óskar eftir staðfestingu á mætingu í lotu eftir að hún hefur farið fram þarf einn eða fleiri kennari sem kenndi í lotunni að staðfesta við Nemendaskrá með tölvupósti að þú hafir sótt lotuna í HA.

Einnig er hægt að panta vottorð með því að senda tölvupóst (nemskra@unak.is) úr HA-netfanginu þínu eða hringja í 460 8000. Þú millifærir 450 kr. inn á reikning 0162-26-6610 kt. 520687-1229 og sendir kvittun úr heimabanka á nemskra@unak.is og færð síðan vottorðið sent á tölvupóstfangið þitt. Eigi vottorð að vera sent á lögheimili þarftu að borga 750 kr. fyrir það (300 kr í póstburðargjald).

Vinsamlegast athugaðu að mjög mismunandi er hvaða upplýsingar þurfa að koma fram í vottorðum og því mikilvægt að þú takir skýrt fram hvaða upplýsingar þú þarft.

Námskeiðalýsingar fást á Þjónustuborði nemendaskrár. Einnig geturðu óskað eftir þeim með því að senda tölvupóst (nemskra@unak.is) úr HA-netfanginu þínu eða með því að hringja í 460 8000. Námskeiðalýsing kostar 2.000 kr.

Þú getur fengið námskeiðalýsingar sendar á lögheimili þitt eða í tölvupósti.

Þú getur sótt brautskráningarferil á Ísland.is án endurgjalds.

Kandídatar sem brautskráðust árið 2014 og fyrr þurfa að senda póst á nemskra@unak.is og óska eftir afriti. Stykkið kostar 450 kr.

Þú færð ýmiss konar vottorð á Þjónustuborði nemendaskrár. Einnig er hægt að panta vottorð með því að senda tölvupóst (nemskra@unak.is) úr HA-netfanginu þínu eða hringja í 460 8000.

Þú millifærir 450 kr. inn á reikning 0162-26-6610 kt. 520687-1229 og sendir kvittun úr heimabanka á nemskra@unak.is og færð síðan vottorðið sent á tölvupóstfangið þitt.

Eigi vottorð að vera sent á lögheimili þarftu að borga 750 kr. fyrir það (300 kr í póstburðargjald).

Vinsamlegast athugaðu að mjög mismunandi er hvaða upplýsingar þurfa að koma fram í vottorðum og því mikilvægt að þú takir skýrt fram hvaða upplýsingar þú þarft.

Þú getur bókað tíma eða mætt í opinn tíma. Það er hægt að koma í viðtal á Zoom og Teams. Þú getur bókað tíma á bókunarvefnum okkar → Tímabókanir

• Þú getur einnig sent almenna fyrirspurn á netfangið radgjof@unak.is
• Náms- og starfsráðgjöf HA er á G-gangi, rétt hjá bókasafni háskólans
• Vefsíða NSHA

Náms- og starfsráðgjafar háskólans bjóða upp á námskeið sem einnig er hægt er að taka á netinu. Nánari upplýsingar fást hjá NSHA, einnig er hægt að senda póst á radgjöf@unak.is eða hringja á þjónustuborð HA í síma 460 8000 og fá samband við NSHA. Einnig eru í boði örnámskeið og fyrirlestrar sem eru þá sérstaklega auglýst.

Náms- og starfsráðgjafar háskólans taka vel á móti þér og veita faglega ráðgjöf um námsval. Við hvetjum þig til að heyra í þeim.

Hafir þú hug á því að skipta um námsleið þarft þú að setja þig í samband við skrifstofur fræðasviða í síðasta lagi 15. september á haustmisseri og 20. janúar á vormisseri.

Athugaðu að slíkar breytingar geta verið bundnar við misseri, ekki er hægt að hefja nám á vormisseri á öllum námsleiðum.

Ef þú vilt hætta námi þarftu að skila inn skriflegri yfirlýsingu um það. Það er hægt að gera með því að senda tölvupóst til Nemendaskrár (nemskra@unak.is) eða á viðkomandi skrifstofustjóra sem staðfestir úrsögn úr háskólanum. Námsferli þínum er þá lokað. 

Allir stúdentar eiga kost á að taka hluta af námi sínu við erlenda samstarfsháskóla. Nánari upplýsingar um skiptinám gefur Miðstöð alþjóðasamskipta:

• international@unak.is 
• Viðtalstímar eftir samkomulagi
• Vefsíða skiptináms HA

Umsóknarfrestur til að sækja um skiptinám er fyrir 1. mars fyrir komandi skólaár.

Próf eru haldin í lok hvors kennslumisseris, í desember og í apríl/maí. Tímabil almennra prófa og endurtökuprófa má alltaf finna í kennslualmanaki.

Þú getur séð þína próftöflu í Uglu undir → Námskeiðin mín → Próf. Hér eru gagnlegar upplýsingar um próf.

Staðfesting námskeiða er jafnframt skráning í próf. Í september og janúar þarft þú að staðfesta námskeiðaskráningu þína sem jafnframt er skráning í próf.

Þú þarft hins vegar að skrá þig sérstaklega í endurtökupróf og það gerir þú í Uglu.

Skráning úr námskeiði er jafnframt skráning úr prófi. Þú skráir þig úr námskeiði í Uglu:

• Uglan mín → Námskeiðin mín. Þar aftan við hvert námskeið er tákn fyrir úrsögn sem hægt er að smella á. Athugaðu að staðfesta þarf valið svo úrsögn taki gildi.

Frestur til þess að skrá sig úr námskeiðum haustmisseris rennur út þann 1. nóvember og 1. apríl fyrir vormisseri.

Þú breytir prófstaðnum þínum í Uglu:

• Uglan mín → Breyta prófstað.

Skráningu þarf að vera lokið fyrir 1. nóvember fyrir haustmisseri og 1. apríl á vormisseri. Hér getur þú séð lista yfir prófstaði HA.

Ef þú óskar þess að taka próf á öðrum stað en skráðum prófstað HA getur þú sótt um það til prófstjóra fyrir 1. nóvember:

Beiðni um próftöku erlendis

Sækja þarf um slíkt fyrir hvert misseri og stúdent þarf að sjálfur að útvega prófstað sem stenst gæðakröfur HA.

Prófspurningar úr prófum úr reglulegri próftíð eru varðveittar í 1 ár og eru aðgengilegar í Hlöðunni (stafrænum gagnabanka).

Í sumum tilvikum hafa kennarar ákveðið að veita sjálfir aðgang að verkefnunum og í prófasafninu sést þá hver kennarinn er og hvenær prófið var haldið. Í þeim tilvikum þarf að hafa samband við kennarann til að skoða eldri prófverkefni. Aðgangur stúdenta að eldri prófum er veittur samkvæmt upplýsingalögum nr. 140/2012.

Ekki þarf að senda inn vottorð vegna veikinda. Stúdent þarf sjálfur að skrá sig í endurtökupróf á Uglu þegar opnað er fyrir það í lok hefðbundins próftímabils. Hið sama gildir ef barn stúdents veikist.

Æskilegt er að láta prófstaði utan HA vita áður en próf hefst ef stúdent mun ekki mæta í próf.

Veikist stúdent í prófi ber honum að vekja athygli prófgæslumanns sem skrifar athugasemd um það á prófúrlausn. Ekki þarf að senda inn vottorð vegna veikinda. Stúdent þarf sjálfur að skrá sig í endurtökupróf á Uglu þegar opnað er fyrir það í lok hefðbundins próftímabils.

Stúdentar þurfa að mæta til prófs með skilríki sem þeir láta liggja á borðinu sínu. Ekki er hægt að nota rafræn skilríki þar sem símar eru ekki leyfðir í prófstofum.

Yfirhafnir, töskur, símar og annar búnaður (til dæmis snjallúr) sem ekki tilheyrir leyfilegum hjálpargögnum þarf að geyma utan við prófstofu. Matur og tóbak er ekki leyfilegt í prófstofu.

Lokaeinkunn námskeiða skal birta eigi síðar en á tólfta virka degi eftir prófdag. Einkunnir úr símatsþáttum skal birta innan 30 daga frá skila- eða prófdegi.

Lokaeinkunnir námskeiða eru birtar á heimasvæði stúdenta á Uglunni.

Meginreglan er sú að heimilt er að þreyta próf í hverju námskeiði tvisvar. Ef þú fellur eða mætir ekki í lokapróf getur þú skráð þig í endurtökupróf sem haldið er að lokinni reglulegri prófatíð. Réttur til próftöku er bundinn við tiltekið misseri og færist ekki á milli skólaára.

Auk þess er deildum heimilt, í samráði við prófstjóra, að halda endurtökupróf í einstökum námskeiðum. Slík endurtökupróf eru einungis fyrir stúdenta sem áður hafa þreytt próf í viðkomandi námskeiði.

Greiða þarf 6.000 kr. fyrir hverja skráningu í endurtökupróf. Gjaldið er óendurkræft. Ekki er hægt að skrá sig úr endurtökuprófi. Þú skráir þig í endurtökupróf og greiðir prófstökugjald með því að smella á borða í Uglu eða á Þjónustuborði nemendaskrár.

Upplýsingar um próftímabil endurtökuprófa má sjá í kennslualmanaki.

Sjá nánar í reglum um námsmat fyrir Háskólann á Akureyri.

Stúdent á rétt á að fá útskýringar á námsmati innan 15 daga frá birtingu lokaeinkunnar. Útskýringar á námsmati fela í sér að kennari gefi stúdent upp sundurliðaðar einkunnir og útskýringar á hverri einkunn, þar með talið einkunnir fyrir hverja spurningu í prófi.

Nánari upplýsingar

Hafi stúdent staðist námskeið en vill hækka einkunn þarf hann að hafa samband við sviðskrifstofu sína eða prófstjóra að lágmarki viku fyrir prófdag og óska eftir skráningu í seinni prófatíð. Athugið að það er alltaf nýjasta einkunn sem gildir, sem dæmi þá fær stúdent sem skráir sig í seinni prófatíð til að hækka einkunn, en mætir ekki í prófið, einkunnina Fjarverandi.

Upplýsingar um lokaverkefni og fleira þeim tengt finnur þú í námskeiði fyrir lokaverkefni í Canvas.

Stúdentar sem skila lokaritgerðum eftir brautskráningu að vori (Háskólahátíð) verða að borga fullt skrásetningargjald fyrir næsta skólaár ef þeir hyggjast brautskrást. Þetta á við um brautskráningar 15. október og 15. febrúar.

Í Ritveri Háskólans á Akureyri er veitt aðstoð á öllum stigum ritunarferilisins varðandi verkefni í smíðum, bæði lokaverkefni og námsritgerðir. Þú getur bókað tíma sem er þrjátíu mínútur í gegnum bókunarsíðu ritversins. Ef þú getur ekki mætt á staðinn getur þú fengið tíma í gegnum Zoom. Nánari upplýsingar um ritverið.

Einnig getur þú bókað tíma hjá bókasafnsfræðingi til að fá aðstoð við heimildaleit og heimildavinnu. Samskiptaforritið Zoom er notað ef stúdentar geta ekki komið á staðinn. Nánar um þjónustu bókasafnsins.

Öllum lokaverkefnum á að skila rafrænt í Skemmuna og í Turnitin. Nánari upplýsingar um lokaverkefni.

Stúdentar í grunn- og framhaldsnámi þurfa ekki að skila prentuðu eintaki til bókasafnsins

Háskólinn notar forritið Turnitin til varnar ritstuldi. Í Turnitin er hægt að hlaða inn skjali með texta, til dæmis lokaverkefni. Forritið ber texta skjalsins saman við mikið safn heimilda. Niðurstaðan sýnir hvort rétt er farið með heimildir og tilvísanir í þær, eða hvort um er að ræða óeðlilega mikla samsvörun við verk annarra höfunda.

• Leiðbeiningar um notkun forritsins má nálgast á vefsíðu bókasafnsins

Stúdentar sem ætla að brautskrást í júní þurfa alltaf að skrá sig til brautskráningar sama hvort þeir verða viðstaddir athöfn eða ekki. Skráningar eru gerðar í Uglu í upphafi vormisseris eða með tölvupósti á sviðskrifstofu eða Nemendaskrá. Lokafrestur til að skrá sig til brautskráningar í júní er 1. maí. Einnig er hægt að skrá sig til brautskráningar í árlegu skráningunni sem fram fer í mars ár hvert.

• Þú sérð hvort þú sért skáð/ur til brautskráningar undir Uglan mín → Námskeiðin mín

Mundu að kanna hvort að þú hafir staðist allar kröfur sem gerðar eru til brautskráningar áður en þú skráir þig. Ef þú ert ekki skráð/-ur í brautskráningu og/eða hefur ekki staðfest við deildina þína í lok misseris að þú ætlir að brautskrást er litið svo á að þú ætlir ekki að brautskrást og færð ekki afhenta brautskráningarpappíra.

Athugið að til þess að geta útskrifast þurfa stúdentar að vera skuldlausir við háskólann og stofnanir hans.

Stúdentar sem ljúka námi utan hefðbundins tíma geta fengið námslok staðfest og prófskírteini afhent 15. október eða 15. febrúar. Þá er brautskráning án brautskráningarhátíðar. Stúdentar sem ætla að brautskrást í október eða í febrúar þurfa að láta skrifstofustjóra sín sviðs vita í síðasta lagi 1. október á haustmisseri og 1. febrúar á vormisseri.

Hér má lesa meira um brautskráningu.