Námskeið

Námstækni

Námstækni þjálfar stúdenta í vinnubrögðum sem virka vel í námi. Í Canvas er að finna námstæknisíðu sem er opin öllum stúdentum HA gjaldfrjálst. Þar er til dæmis farið yfir:

• Tímaskipulag og markmiðasetning
• Lestrar-, glósu- og minnistækni
• Frestun og líðan
• Undirbúningur fyrir próf

Prófkvíðanámskeið

Hvað er kvíði og hvaðan kemur hann? Á námskeiðinu lærir þú hvernig hægt er að ná tökum á eigin hugsunum og þannig draga úr kvíða og vanlíðan tengdum prófum. Námskeiðið er aðgengilegt á kennslukerfinu Canvas. Þú getur tekið það hvenær sem er og á eigin hraða. Stúdentar hafa aðgang að námskeiðinu allt skólaárið.

Skráning á prófkvíðanámskeið

• Kostar 5000 kr.
• Reikningsnúmer: 0162-26-6610
• Kennitala: 520687-1229
• Sendið kvittun á radgjof@unak.is, merkta námskeiðinu sem greitt er fyrir (prófkvíðanámskeið). Þá fáið þið aðgang að því á vefkennslukerfi HA.

Athugið:

• Til þess að sækja um sértæk úrræði vegna prófkvíða þarf í fyrstu að fara í viðtal hjá náms- og starfsráðgjafa, fylla út prófkvíðakvarða og ljúka þessu námskeiði.
• Vegna haustmisserisprófa fyrir 1. október og vegna vormisserisprófa fyrir 1. mars.

Hugræn atferlismeðferð - HAM

6 skipta námskeið í hugrænni atferlismeðferð við kvíða og þunglyndi . 1 sinni í viku í 6 vikur.

Skráðu þig í gegnum netfangið sali@unak.is.

Hugræn atferlismeðferð (HAM)

– 9. september kl. 13-14.

Námskeið í grunnþáttum HAM 1x í viku í 5 vikur. Skráðu þig í gegnum netfangið sali@unak.is. 

Kennari er Einar, sálfræðingur.

Bjargir í námi og Snjallvefjan

– 10. september kl. 16:30-18:00.

Á námskeiðinu verður farið yfir ýmsar rafrænar lausnir sem þú getur nýtt til að auðvelda nám þitt. Þú munt læra á nokkur forrit sem eiga eftir að nýtast þér í námi og daglegu lífi.

Námskeiðið fer fram á Zoom. Kennari er Diljá Dögg Gunnarsdóttir.

Að hefja nám við HA

– 11. september kl. 12-13.

Örnámskeið fyrir þá sem eru að hefja háskólanám og vantar aðstoð við að rata um Uglu, Canvas, Outlook, OneDrive.

Námskeiðið fer fram á Zoom og í Vesturborg HA. Kennarar eru Aníta og María.

Að takast á við álag í háskólanámi

– 18. september kl. 12:30-13:30.

Einar sálfræðingur fjallar um streitu og prófkvíða og kynnir einnig prófkvíðanámskeið NSHA.

Nánar auglýst í Uglu .

Bjargir í námi og Snjallvefjan

– 19. september kl. 16:30-18:00.

Á námskeiðinu verður farið yfir ýmsar rafrænar lausnir sem þú getur nýtt til að auðvelda nám þitt. Þú munt læra á nokkur forrit sem eiga eftir að nýtast þér í námi og daglegu lífi.

Námskeiðið fer fram á Zoom. Kennari er Diljá Dögg Gunnarsdóttir.

Að ná markmiðum sínum

– 2. október  á staðnum kl. 11:00-11:40 og á Zoom kl. 13:00-13:40.

Á örnámskeiðinu fjallar María, náms- og starfsráðgjafi, um markmiðasetningu og tímastjórnun, tímaþjófa, venjur og forgangsröðun.

Námskeiðið er haldið á staðnum (í Norðurborg) og einnig á Zoom, smelltu hér til að tengjast fundinum.

Vítahringur frestunar

– 14. október kl. 11:00-12:00.

Á örnámskeiðinu fjallar Einar, sálfræðingur, um frestun, vítahring frestunar og hjálplegar aðferðir til að takast á við frestun.

Nánar auglýst í Uglu.

Hugræn atferlismeðferð (HAM) 

– 15. október kl. 9:00-10:00.

Námskeið í grunnþáttum HAM 1x í viku í 5 vikur. Skráðu þig í gegnum netfangið sali@unak.is. 

Kennari er Einar, sálfræðingur.

Hvar liggur áhugi þinn?

– 5. nóvember kl. 16:30-18:00.

Áhugakannanir eru notaðar til að aðstoða fólk við að taka ákvarðanir um nám og störf. Á námskeiðinu verður fjallað um áhugakönnunina Bendil, nemendur taka könnunina, vinna verkefni í kjölfarið og fá persónulega ráðgjöf. Námskeiðið kostar 6.000 kr.

Námskeiðið er haldið í Vesturborg HA og á Zoom. Skráning er nauðsynleg. Nánar auglýst í Uglu

Próf og próftaka

– 12. nóvember kl. 11:30-12:30.

Prófundirbúningur er álagstími í lífi flestra háskólanema og þá skiptir máli að huga vel að líðan og reyna að finna jafnvægi milli mikilvægra þátta í lífinu meðfram undirbúningnum.

Fyrirlesturinn fer fram í stofu N203 og á Zoom, smelltu hér til að tengjast fundinum.

Kennarar eru María, náms- og starfsráðgjafi og Einar, sálfræðingur.