Undirbúningsnámskeið

Undirbúningur fyrir háskólanám

Námskeiðið er fyrir þau sem eru að hefja sín fyrstu skref í háskólanámi eða þau sem hafa verið lengi frá námi. Góður undirbúningur fyrir komandi áskoranir.

Fjallað verður um:

• Canvas kennslukerfið - verkefnaskil, myndbönd, samskipti
• Uppsetning á Office fyrir háskólanema
• Fjarnám - Hvernig er best að vinna og skipuleggja sig í fjarnámi
• Kynning á námsráðgjöf
  • Hvernig er hægt að nýta sér námsráðgjöf
  • Hvernig námsmaður ertu og hvernig hentar það þér í fjarnámi
• Uppsetning á ritgerðum - finna og vinna með heimildir

Námskeiðið stendur yfir í eina viku. Undirbúningsnámskeið veitir ekki einingar.

Undirbúningsnámskeið í efnafræði

Námskeiðið tengist námi í auðlindafræði, heilbrigðis- og kennaradeildum. Hentar nýnemum sem vilja skerpa á þekkingu sinni á efnafræði.

Fjallað verður um grundvallaratriði í ólífrænni efnafræði:

• byggingu atóma
• lotukerfið
• efnatengi
• efnahvörf
• magnútreikninga
• sýrur og basa

Undirbúningsnámskeið í stærðfræði

Námskeiðið tengist námi í viðskipta-, raunvísinda- og kennaradeildum. Hentar nemendum sem vilja skerpa á þekkingu sinni á stærðfræði.

Mælt sérstaklega með fyrir þá sem hafa útskrifast með fáar einingar í stærðfræði úr framhaldsskóla.

Fjallað verður um:

• tölur
• reikniaðgerðir
• plús og mínus
• almenn brot
• mengi
• hnitakerfi
• línur
• bókstafareikning (algebru)
• jöfnur og ójöfnur
• föll
• hornaföll
• flatarmál og rúmmál

Námskeiðið stendur yfir í tvo daga.

Undirbúningsnámskeið í fræðilegri ritun

Námskeiðið tengist öllu námi. Nemendur læra að skila af sér fræðilegum texta á faglegan hátt.

Farið verður yfir atriði eins og:

• málsnið
• orðfæri
• flæði og samhengi
• hugtakanotkun
• samþættingu texta og heimilda
• grunnatriði varðandi meðferð og utanumhald heimilda og tilvísana

Námskeiðið stendur yfir í eina viku.

Undirbúningsnámskeið í Excel

Námskeiðið tengist öllu námi. Farið er í ýmsar aðgerðir og reikniaðferðir í Excel sem gagnast í háskólanámi.

Námskeiðið stendur yfir í eina viku.