Saga Háskólans á Akureyri

Húsnæðismál

Starfsemi Háskólans á Akureyri fer fram í tveimur húsum.

Borgir eru glæsilegt rannsóknahús. Það var tekið í notkun haustið 2004. Húsið var byggt í einkaframkvæmd og eigendur þess eru Íslenskir aðalverktakar. Auk háskólans eru í húsinu fjölmargar samstarfsstofnanir skólans.

Sólborg var byggt á árunum 1967-1984. Háskólinn á Akureyri hóf að flytja starfsemi sína þangað 1995. Nýjasti hlutinn var tekinn í notkun haustið 2010. Eldri byggingar hafa verið endurnýjaðar að mestu leyti.

Áður en háskólinn fékk Sólborg afhenta var þar starfrækt heimili fyrir þroskahefta.

Helstu atburðir í sögu háskólans

1987-1996

• 1987 Háskólinn stofnaður, boðið upp á nám í heilbrigðisdeild og rekstrardeild
• 1988 Félagsstofnun stúdenta var stofnuð 26. október
• 1989 Bókasafn var formlega opnað 16. júní
• 1989 Fyrsta brautskráning var frá rekstrardeild 16. júní, brautskráðir 10 iðnrekstrarfræðingar
• 1989 Útsteinn, stúdentagarðar við Skarðshlíð voru teknir í notkun við upphaf haustmisseris
• 1990 Sjávarútvegsdeild var stofnuð 4. janúar
• 1992 Stúdentagarðar við Klettastíg voru teknir í notkun við upphaf haustmisseris
• 1992 Rannsóknastofnun HA til starfa tók til starfa í desember
• 1992 Heimild var veitt til stofnunar kennaradeildar með bréfi 10. desember
• 1993 Kennsla í kennaradeildi hófst á haustmisseri
• 1993 Stúdentagarðar við Klettastíg (tvö seinni húsin) voru teknir í notkun í lok ágúst
• 1994 Þorsteinn Gunnarsson tók við starfi rektors af Haraldi Bessasyni
• 1995 Framtíðarhúsnæði háskólans á Sólborg var formlega afhent 1. apríl
• 1996 Nám á leikskólabraut hófst á haustmisseri

1997-2006

• 1998 15. maí var undirritað samkomulag um að Háskólinn á Akureyri taki að sér umsjón með fjarkennslu í hjúkrunarfræði á Ísafirði. Var þetta grunnurinn að þeirri þróun sem hefur átt sér stað í fjarnámi við háskólann
• 1999 Fyrstu nemendur útskrifaðir af leikskólabraut á vormisseri
• 1999 4. september var undirritaður samningur milli HA og HÍ um Ferðamálasetur Íslands
• 2000 Fyrstu meistaragráðunemendurnir voru brautskráðir 26. febrúar. Voru það nemendur sem höfðu stundað meistaranám í hjúkrunarfræði í samstarfi við Háskólann í Manchester í Englandi
• 2000 Haraldur Bessason, fyrrverandi rektor HA var kjörinn fyrsti heiðursdoktor við háskólann við brautskráningarathöfn 10. júní
• 2000 Matvælasetur Háskólans á Akureyri tók til starfa um áramót
• 2001 1. apríl tók Byggðarannsóknastofnun til starfa. Í samningi um stofnunina er tekið fram að hún skuli vera rannsókna- og fræðslustofnun á sviði byggðamála við HA
• 2001 Á haustmisseri hófst nám í tölvunarfræði við nýja deild, upplýsingatæknideild
• 2002 7. október var tekið í notkun verknámshús heilbrigðisdeildar HA
• 2002 17. júní var fyrsti fjarnámshópurinn brautskráður. Voru það níu hjúkrunarfræðingar sem brautskráðust frá Ísafirði
• 2002 Félagsvísinda- og lagadeild var stofnuð
• 2003 17. janúar samþykkti háskólaráð að setja á laggirnar við háskólann Stofnun Páls S. Árdal í Hume-fræðum
• 2003 28. maí tók HA við rekstri Frumkvöðlaseturs Norðurlands
• 2003 Félagsvísinda- og lagadeild, kennsla hófst á haustmisseri
• 2003 Heilbrigðisvísindastofnun HA stofnuð á haustdögum
• 2004 Stúdentagarðar við Tröllagil 29 voru teknir í notkun í september
• 2004 Borgir, rannsókna- og nýsköpunarhús tekið í notkun í október
• 2004 Dr. Shirin Ebadi var gerð að heiðursdoktor við félagsvísinda- og lagadeild 6. nóvember
• 2005 Líkamsræktarsalur á Sólborg tekinn í notkun 10. október
• 2005 Asíuver Íslands var stofnað 16. desember
• 2006 Fjárveiting fékkst til að hefja framkvæmdir við IV áfanga á Sólborg. Framkvæmdin var boðin út og ákvað menntamálaráðuneyti, að höfðu samráði við Bygginganefnd háskólans, að taka tilboði Tréverks ehf. í verkið

2007-2016

• 2007 RES Orkuskóli tók formlega til starfa þann 9. maí
• 2007 Á háskólaráðsfundi þann 28. september var ákveðið að sameina kennaradeild og félagsvísinda- og lagadeild í hug- og félagsvísindadeild
• 2007 Afmælisnefnd efndi til samkeppni um nýtt merki háskólans. Nýtt merki var tekið í notkun 8. september
• 2007 Háskólabandið gaf út geisladisk á haustdögum í tilefni 20 ára afmælis háskólans
• 2008 Þann 9. febrúar tók Þorgerður Katrín Gunnarsdóttir, þáverandi menntamálaráðherra, fyrstu skóflustunguna að IV áfanga nýbygginga Háskólans á Akureyri við Sólborg
• 2008 Í júní kom út Afmælisrit Háskólans á Akureyri
• 2008 Hug- og félagsvísindadeild tók til starfa 1. ágúst
• 2008 Í ágúst voru teknir í notkun nýir stúdentagarðar við Kjalarsíðu 1 a og b
• 2009 Háskólaráð samþykkti á fundi sínum 1. apríl breytt stjórnskipulag fyrir Háskólann á Akureyri. Meginefni breytinganna var að deildir breyttust í svið og heita þá: Heilbrigðisvísindasvið , hug- og félagsvísindasvið, og viðskipta- og raunvísindasvið. Innan sviðanna starfa deildir. Breytingin tekur gildi 1. ágúst
• 2009 Haraldur Bessason, fyrrverandi rektor, lést þann 8. apríl
• 2009 Sjávarútvegsmiðstöð við Háskólann á Akureyri var stofnuð 16. apríl
• 2009 1. júlí lét Þorsteinn Gunnarsson af störfum sem rektor eftir 15 ár í starfi og við tók Stefán B. Sigurðsson
• 2010 8. ágúst árið var IV áfangi á Sólborg vígður. Þá eignaðist háskólinn loks langþráðan hátíðarsal ásamt glæsilegu anddyri og nýjum kennslustofum
• 2010 Nigel David Banks var gerður að heiðursdoktor við lagadeild 9. september
• 2012 Þann 9. júní tók Katrín Jakobsdóttir, menntamálaráðherra, fyrstu skóflustunguna að V áfanga nýbygginga Háskólans á Akureyri
• 2012 Afmælisritið Háskólans á Akureyri 1987-2012 kom út. Bragi Guðmundsson, prófessor við Kennaradeild, ritaði bókina
• 2013 Á haustdögum var V áfangi Háskólans á Akureyri við Sólborg formlega tekinn í notkun
• 2014 1. júlí lét Stefán B. Sigurðsson af störfum sem rektor eftir fimm ár í starfi og við tók Eyjólfur Guðmundsson
• 2014 Kennslumiðstöð Háskólans á Akureyri komið á fót
• 2015 Boðið upp á nýtt meistaranám í vestnorrænum fræðum
• 2015 Samstarfssamningur undirritaður milli Háskólans á Akureyri (HA), Western Kentucky University (WKU) og Norðurslóðanets Íslands, sem ber yfirskriftina the North Atlantic Climate Change Collaboration (NAC) eða Loftslagsrannsóknir á norðurslóðum (LÁN)
• 2015 HA í samstarfi við HR býður upp á diplómanám í tölvunarfræði 2015 Vísindaskóli unga fólksins settur á laggirnar
• 2016 Háskólinn á Akureyri tekur við Sjávarútvegsskólanum
• 2016 Kennsla í lögreglufræði hefst við Háskólann á Akureyri
• 2017 30 ára afmæli Háskólans á Akureyri - fjölbreytt dagskrá allt árið sem miðar að því að opna skólann enn frekar fyrir samfélaginu
• 2017 Samstarfssamningur Háskólans á Akureyri og Sjúkrahússins á Akureyri: Aukið samstarf á sviði rannsókna og kennslu
• 2017 Doktorsnám við Háskólann á Akureyri
• 2017 Fyrstu vélmennin í Háskólann á Akureyri

2017-2026 (í vinnslu)

• 2023 Kennaradeild háskólans fangaði 30 ára afmæli og var efnt til afmælishátíðar
• 2024 Afmælisritið Kennaradeild Háskólans á Akureyri 1993-2023 kom út. Bragi Guðmundsson, prófessor við Kennaradeild, ritaði bókina

Heiðursdoktorar við Háskólann á Akureyri

• Haraldur Bessason, fyrrverandi rektor við Háskólann á Akureyri, sæmdur heiðursdoktorsnafnbót af kennaradeild skólans þann 14. júní 2000. 
• Shirin Ebadi, handhafi friðarverðlauna Nóbels árið 2003, sæmd heiðursdoktorsnafnbót af félagsvísinda- og lagadeild Háskólans á Akureyri þann 6. nóvember 2004.
• Nigel David Bankes, prófessor við lagadeild háskólans í Calgary, sæmdur heiðursdoktorsnafnbót af hug og félagsvísindasviði Háskólans á Akureyri þann 9. september 2010
• Rögnvaldur Hannesson, prófessor emeritus við háskólann í Bergen, sæmdur heiðursdoktorsnafnbót af viðskipta- og raunvísindasviði Háskólans á Akureyri þann 10. janúar 2019
• Frú Vigdís Finnbogadóttir, fyrrverandi forseti Íslands, sæmd heiðursdoktorsnafnbót af heilbrigðisvísindasviði Háskólans á Akureyri þann 8. nóvember 2019.
• Herra Ólafur Ragnar Grímsson, fyrrverandi forseti Íslands, sæmdur heiðursdoktorsnafnbót af Hug- og félagsvísindadeild Háskólans á Akureyri þann 30. september 2022.

Rektorar Háskólans á Akureyri