Háskólinn á Akureyri leitar að verkefnastjóra eða aðjúnkt til að sinna kennslu í tæknifræði í samstarfi HA og HR. Um er að ræða ótímabundið starf í 100% starfshlutfalli. Starf verkefnastjóra í tæknifræði er hýst við Heilbrigðis,- viðskipta- og raunvísindasvið HA. Næsti yfirmaður er verkefnastjóri tölvunarfræði við HA. Starfsstöðin er að Borgum, rannsóknarhúsi á háskólasvæðinu á Akureyri. Mjög æskilegt er að viðkomandi geti hafið störf sem fyrst.
Helstu verkefni og ábyrgð
Verkefnastjóri /aðjúnkt sinnir kennslu í dæma- og verkefnatímum við tæknifræði HA/HR. Einnig sinnir hann og leiðbeinir nemendahópum í þriggja vikna lotum. Starfið fer fram á Akureyri í nánu samstarfi við aðalkennara námskeiðanna sem koma flest úr HR og fer fram undir stjórn verkefnastjóra tölvunarfræði við HA. Hann tekur þátt í öðrum verkefnum tæknifræðinnar sem honum eru falin.
Hæfniskröfur
- B.Sc. eða M.Sc. í tæknifræði, verkfræði eða sambærilegu námi er skilyrði
- Reynsla af kennslu í tækni- eða verkfræði eða sambærilegu námi er kostur
- Góður námsárangur úr eigin námi er kostur
- Góð færni til að tjá sig á íslensku og ensku er nauðsynleg
- Góð færni í mannlegum samskiptum er nauðsynleg, einnig er krafist góðrar færni í að miðla þekkingu, skipulagshæfni ásamt sjálfstæði í starfi
Umsókn skal fylgja
- Ferilskrá
- Prófskírteini og námsferill
- Yfirlit yfir kennslureynslu ef hún er til staðar
- Kynningarbréf þar sem gerð í grein fyrir ástæðu umsóknar og rökstuðningur fyrir hæfni umsækjanda í starfið
- Tilnefna skal a.m.k. einn meðmælanda úr fyrra starfi
Umsóknarfrestur er til og með 03.07.2023
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum. Háskólinn á Akureyri áskilur sér rétt til að hafna öllum umsóknum.
Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.
Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.
Nánari upplýsingar veitir
Ólafur Jónsson, Verkefnastjóri tölvunarfræðináms - olafurj@unak.is - 460 8097.
Smelltu hér til að sækja um starfið
