Verkefnastjóri fagnáms sjúkraliða hefur yfirumsjón með skipulagi og framkvæmd á klínísku námi nemenda í fagnámi sjúkraliða. Hann fylgist með gæðum klíníska námsins og hefur forystu um úrbætur í samráði við námsbrautarstjóra og deildarforseta. Hann er tengiliður námsbrautarinnar við stofnanir sem fá til sín nemendur í fagnámi sjúkraliða og við alla sem koma að klínísku námi innan og utan deildar.
Helstu verkefni og ábyrgð
Verkefnastjóri vinnur í nánu samstarfi við verkefnastjóra klínísks náms í hjúkrunarfræðideild, námsbrautarstjóra, umsjónarkennara og deildarforseta og vinnur með þeim að þróun klíníska námsins. Hann kemur einnig að umsjón með verklegri námsstofu, þróun hermi- og færniseturs, sinnir afmarkaðri kennslu við deildina og kemur að samningagerð við samstarfsstofnanir fyrir hönd deildarinnar.
Hæfniskröfur
- Háskólapróf sem nýtist í starfi er krafa
- Próf í hjúkrunarfræði frá viðurkenndum háskóla er kostur
- Íslenskt starfsleyfi hjúkrunarfræðinga er kostur
- Reynsla af leiðbeiningu nemenda í klínísku námi er kostur
- Þekking og reynsla af velferðartækni er kostur
- Þekking og reynsla af verkefnastjórnun er kostur
- Reynsla af háskólakennslu er kostur
- Góð þekking á starfsemi háskóla er kostur
- Skipulögð og vönduð vinnubrögð, frjó hugsun, rík þjónustulund, jákvæðni, góð samstarfshæfni og lipurð í mannlegum samskiptum
- Gott vald á íslensku og ensku, jafnt töluðu sem rituðu máli
- Góð almenn tölvu- og tækniþekking
Umsókn skal fylgja
- Ítarleg ferilskrá
- Staðfest afrit af prófskírteinum
- Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið
- Tilnefna skal a.m.k. tvo meðmælendur og er æskilegt að einn þeirra sé næsti yfirmaður í núverandi eða fyrra starfi umsækjanda
Umsóknarfrestur er til og með 01.08.2023
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum. Háskólinn á Akureyri áskilur sér rétt til að hafna öllum umsóknum.
Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.
Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.
Starfshlutfall er 50%.
Nánari upplýsingar veitir
- Hafdís Skúladóttir, Brautarstjóri fagnáms fyrir starfandi sjúkraliða - hafdis@unak.is
- Þorbjörg Jónsdóttir, Forseti Framhaldsnámsdeildar í heilbrigðisvísindum - torbj@unak.is
Smelltu hér til að sækja um starfið
