Þú getur nú sótt um nám í einstaka námsleiðum við HA á vormisseri

Auðlindadeild, Félagsvísindadeild og Viðskiptadeild hafa tekið ákvörðun um að opna fyrir umsóknir nýnema í einstakar námsleiðir nú um áramótin. Tekið er við umsóknum í eftirfarandi námsleiðir frá 15. nóvember til og með 2. desember.

Eindagi skrásetningargjalds sem er 55.000 kr. er 10. desember. Umsækjendur fylgjast með stöðu umsókna í umsóknargátt. Greiðsla skrásetningargjalda fer fram á sama stað sé umsókn samþykkt. Athugið að engir greiðsluseðlar verða sendir út né greiðslukröfur stofnaðar.

Hér getur þú nálgast yfirlit yfir þær námsleiðir sem opið er fyrir umsóknir í:

Grunnnám

• Félagsvísindi (BA)
• Fjölmiðlafræði (BA)
• Nútímafræði (BA)
• Lögreglu- og löggæslufræði (BA, eingöngu fyrir þau sem lokið hafa diplómu fyrir verðandi eða starfandi lögreglumenn)
• Sjávarútvegsfræði (BS)

Framhaldsnám

• Stjórnun MM og stjórnun MS

Hvernig sæki ég um?

Áhugasamir umsækjendur þurfa að setja sig í samband við verkefnastjóra þeirrar námsleiðar sem þeir hafa hug á að sækja um. Upplýsingar og heimild til umsóknar um nám veita/veitir:

Fyrir félagsvísindi, fjölmiðlafræði og nútímafræði:
Anna Karen Úlfarsdóttir, verkefnastjóri Hug- og félagsvísindasviðs í tölvupósti eða í síma 460 8522

Fyrir lögreglu- og löggæslufræði:
Heiðrún Ósk Ólafsdóttir, verkefnastjóri í lögreglufræði í tölvupósti eða í síma 460 8520

Fyrir sjávarútvegsfræði:
Herdís Hulda Guðmannsdóttir, verkefnastjóri Auðlindadeildar í tölvupósti eða í síma 460 8043

Fyrir viðskiptafræði MM og MS:
Ása Guðmundardóttir, starfsmaður Viðskiptadeildar í tölvupósti eða í síma 460 8037

• Brautarstjóri félagsvísinda er Berglind Hólm Ragnarsdóttir lektor
• Brautarstjóri í fjölmiðlafræði er Guðbjörg Hildur Kolbeins dósent
• Brautarstjóri í nútímafræði er Páll Björnsson prófessor
• Brautarstjóri í sjávarútvegsfræði er Magnús Víðisson aðjúnkt
• Brautarstjóri meistaranáms við Viðskiptadeild er Hjördís Sigursteinsdóttir dósent

VIÐ TÖKUM VEL Á MÓTI ÞÉR Í HÁSKÓLANUM Á AKUREYRI!