FUNDARGERÐ HÁSKÓLARÁÐS
Fimmtudaginn 11.09.2019 kl. 14.00. Borgir, R302
Rektor Eyjólfur Guðmundsson setti fund kl. 14:02.
Mættir voru auk hans:
Dagmar Ýr Stefánsdóttir fulltrúi menntamálaráðherra
Óskar Þór Vilhjálmsson fulltrúi háskólasamfélagsins
Rúnar Gunnarsson varafulltrúi háskólasamfélagsins
Sólveig María Árnadóttir fulltrúi stúdenta
Forföll boðuðu:
Birna G. Konráðsdóttir fulltrúi háskólasamfélagsins
Aðrir mættir:
Martha Lilja Olsen ritari og starfsmaður háskólaráðs
Rektor kynnti dagskrá og bauð fulltrúa velkomna.
1. Kosning fulltrúa háskólaráðs í háskólaráð 2019-2021
Rektor fór yfir lög og reglur sem um Háskólann á Akureyri gilda og þar með hlutverk og skyldur háskólaráðs. Nánar verður farið yfir þetta á fyrsta fundi fullskipaðs háskólaráðs þann 19. september nk.
Rektor lagði fram eftirfarandi tillögu að fulltrúum nærsamfélagsins í háskólaráði:
Aðalfulltrúar: Katrín Björg Ríkarðsdóttir framkvæmdastjóri Jafnréttisstofu og Kristján Þór Magnússon bæjarstjóri Norðurþings.
Varafulltrúi: Brynhildur Pétursdóttir framkvæmdastjóri Neytendasamtakanna.
Tillaga rektors var samþykkt einróma.
Rektor fór í stuttu máli yfir starfsemi háskólans sl. ár.
2. Fundarskipulag háskólaráðs skólaárið 2019-2019
Háskólaráð fundar að jafnaði þriðja fimmtudag í mánuði yfir skólaárið. Fundarboð hafa verið send út fyrir allt skólaárið.
Almennar umræður sköpuðust um háskólaumhverfið á Íslandi og þar með starfsumhverfi Háskólans á Akureyri.
Fleira ekki gert og fundi slitið kl. 15:40.
