Krubbur - Hugmyndahraðhlaup á Húsavík

Í Krubbi færðu þjálfun í nýsköpunarhugsun í leit að vörum og svörum við raunverulegum áskorunum í ferðaþjónustu á Húsavík. Einnig verður í boði að taka þátt í opnum flokki.

 

Á tveimur dögum færðu þjálfun í aðferðum nýsköpunar til að gera hugmynd að veruleika.
Þú færð innblástur og leiðsögn til að vinna í teymi að nýjum lausnum fyrir raunverulegar áskoranir í ferðaþjónustu á Húsavík.
Þú færð aðstoð frá þjálfurum og tækifæri til að kynna hugmyndina þín fyrir dómnefnd
Vegleg verðlaun í boði fyrir bestu hugmyndirnar

 

Lögð verður áhersla á hugmyndir að lausnum sem tengjast ferðaþjónustu og ímynd Húsavíkur. Fyrirtæki á svæðinu kynna áskoranir sínar í þeim efnum.

 

Ef þú ert á aldrinum 16-99 ætti ekkert að stoppa þig
Það kostar ekkert að taka þátt
Hugmyndahraðhlaupið er fyrir öll áhugasöm um nýsköpunarfærni og/eða ferðaþjónustu.
Býrðu ekki á Húsavík? Samt velkomið að taka þátt
Mikilvægt: Það er hvorki nauðsynlegt né skylda að búa yfir ákveðinni þekkingu.
Ertu enn að hugsa um að þetta sé kannski ekki fyrir þig? Hringdu þá í Stefán Pétur verkefnastjóra Hraðsins 861-0057 og fáðu frekari upplýsingar

 

Hraðið heldur Krubb í samstarfi við SSNE og HA til að efla nýsköpunarsenuna og frjóvga farveg atvinnugreina á Norðurlandi.

 

Sjáumst á Stéttinni!

 

Hugmyndahraðhlaupið dregur nafn sitt af Krubbi og svokölluðu Krubbsveðri sem skapast í ákveðinni vindátt á Húsavík. Veðrinu fylgir svo mikill stormur að fólk heldur sig innan dyra meðan hann geysar. Vonast er eftir alvöru Krubbsstormi í hugum þátttakenda meðan á hlaupinu stendur!